Карантин вақтида нархларни асоссиз оширилишига қарши туман ҳокимлиги ва тегишли ташкилотлар ҳамкорлигида мунтазам равишда таъсирчан чоралар кўриляпти. Туманимизда мавжуд деҳқон бозорларида ҳар куни мониторинг тадбирлари олиб борилиши натижасида нарх-наво барқарорлиги бир меъёрда сақланиб турибди.
Бугун туман ҳокими Б. Бобоназаров Тойлоқ деҳқон бозорида бўлиб, бирламчи озиқ овқат маҳсулотларининг нарх-навоси билан танишди. Бозорда савдо доимгидек, барча маҳсулотлар етарли - ҳеч бир маҳсулотга ёппасига талашган кишини учратмайсиз. Маҳсулотнинг тугаб кетганлиги ёки қиммат сотилаётганлиги каби ҳолатларга дуч келмадик. Бир қоп (Жомбой) ун 130 минг сўм, 1 литр кунгабоқар ёғи 10 000 сўм, картошка 3000-3500 сўм, сабзи 1000 сўм, пиёз 1500-2000 сўм, тухум 600-700 сўм, гуруч 5000-7500 сўм, мол гўшти – 45 000, қўй гўшти – 50 000 сўмдан сотиляпти.
Туман ҳокимлиги ахборот хизмати.