Алкаголли маҳсулотлар билан чакана савдо қилиш ҳуқуқини бериш тартиби

Ўзбекистон Республикаси Президентининг

Қарори

АЛКОГОЛЛИ МАҲСУЛОТЛАР БИЛАН ЧАКАНА САВДО ҚИЛИШНИ ЯНАДА ТАРТИБГА СОЛИШ ЧОРА-ТАДБИРЛАРИ ТЎҒРИСИДА

Республика аҳолиси саломатлигини муҳофаза қилишни таъминлаш, истеъмол бозорига сифатсиз, сертификатланмаган алкоголли маҳсулотлар кириб келиши ва сотилишига йўл қўймаслик, савдо ташкилотлари томонидан алкоголли маҳсулотларни чакана сотишнинг белгиланган талабларига сўзсиз риоя қилиниши устидан назорат қилишни кучайтириш мақсадида:

[ОКОЗ:

1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.06.00 Чакана савдо (шунингдек, 03.11.01.02 га қаранг);

2.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.07.00 Аҳоли билан пуллик ҳисоб-китоблар кўрсатишда касса аппаратини ва терминални қўллаш]

1. 2007 йил 1 майдан бошлаб алкоголли маҳсулотлар юридик шахслар томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги махсус комиссиялар томонидан берилган алкоголли маҳсулотлар билан чакана савдо қилиш ҳуқуқини берувчи рухсат гувоҳномалари асосида фақат назорат-касса машиналари билан жиҳозланган ихтисослаштирилган дўконлар, алоҳида савдо заллари (секциялар) орқали сотилиши тартиби белгилансин.

2. Қуйидагилар:

[ОКОЗ:

1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.14.00 Бозорларда савдо]

Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш тартиби тўғрисидаги низом 1-иловага мувофиқ;

[ОКОЗ:

1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.06.00 Чакана савдо (шунингдек, 03.11.01.02 га қаранг)]

Алкоголли маҳсулотлар билан чакана савдо қилиш қоидалари 2-иловага мувофиқ тасдиқлансин.

3. Белгилансинки, мазкур қарорда тасдиқланган алкоголли маҳсулотлар билан чакана савдо қилиш қоидалари бузилганлиги учун юридик шахсларга алкоголли маҳсулотлар билан савдо қилиш ҳуқуқидан марҳум этилган ҳолда энг кам ойлик иш ҳақининг 200 бараваридан 300 бараваригача миқдорда жарима солинади ҳамда айбдор ходимлар қонун ҳужжатларида белгиланган жавобгарликка тортилади.

Ўзбекистон Республикаси Бош прокуратураси алкоголли маҳсулотларнинг чакана савдоси соҳасида ҳуқуқбузарликка йўл қўйган шахсларни жавобгарликка тортиш бўйича қонун ҳужжатларида белгиланган чора-тадбирларга риоя қилиш устидан назоратни кучайтирсин.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш бўйича махсус комиссиялар:

2007 йил 1 майгача мазкур қарорда белгиланган талабларга ва алкоголли маҳсулотлар билан чакана савдо қилиш қоидаларига тўлиқ жавоб берадиган юридик шахсларга фаолиятнинг ушбу турини амалга оширишга рухсат гувоҳномалари берилишини таъминласинлар;

савдо қилувчи корхоналар ушбу қарор билан белгиланган алкоголли маҳсулотлар билан чакана савдо қилиш қоидаларига сўзсиз риоя қилиши устидан қатъий тизимли назорат ўрнатсинлар.

5. «Давлат белгиси» давлат-ишлаб чиқариш бирлашмаси 2007 йилнинг 15 апрелигача Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг талабномаларига кўра алкоголли маҳсулотлар билан чакана савдо қилишга белгиланган шаклдаги рухсат гувоҳномалари тегишли даражада ҳимояланган махсус бланкаларда зарур миқдорда тайёрланишини таъминласин.

Алкоголли маҳсулотлар билан чакана савдо қилиш ҳуқуқини берадиган рухсат гувоҳномалари қатъий ҳисобот бериладиган бланкалар деб белгилансин.

6. Ўзбекистон Республикаси Адлия вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.

7. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Ўзбекистон Республикаси Президенти И. КАРИМОВ

Тошкент ш.,

2007 йил 16 март,

ПҚ-605-сон

Ўзбекистон Республикаси Президентининг
2007 йил 16 мартдаги ПҚ-605-сон
қарорига
1-ИЛОВА

[ОКОЗ:

1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.14.00 Бозорларда савдо]

Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш тартиби тўғрисида

НИЗОМ

I. Умумий қоидалар

1. Мазкур Низом алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш тартибини белгилайди.

2. Алкоголли маҳсулотларнинг чакана савдоси билан фақат алкоголли маҳсулотлар билан чакана савдо қилиш ҳуқуқини берадиган рухсат гувоҳномасини олган юридик шахслар шуғулланишлари мумкин.

3. Рухсат гувоҳномаси бериш (амал қилиш муддатини 10 кун муддатгача тўхтатиб қўйиш, шунингдек амал қилишини тўхтатиш, бекор қилиш тартиб-қоидаси ташаббуси билан чиқиш) тўғрисидаги қарор Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги 1-иловага* мувофиқ таркибда ташкил этиладиган алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш бўйича махсус комиссиялар (кейинги ўринларда «Комиссия» деб юритилади) томонидан қабул қилинади.

Ҳужжатларни қабул қилиш, улар бўйича Комиссиянинг хулосалари ва қарорлари лойиҳаларини тайёрлаш учун туманлар (шаҳарлар) даражасида туман (шаҳар) ҳокимликлари ҳузурида 2-иловага* мувофиқ таркибда алкоголли маҳсулотлар билан чакана савдо қилиш ҳуқуқини берадиган рухсат гувоҳномасини олиш учун ҳужжатларни кўриб чиқиш бўйича комиссиялар (кейинги ўринларда «ишчи орган» деб юритилади) ташкил этилади.

* 1-2-иловалар рус тилидаги матнда берилган.

4. Алкоголли маҳсулотлар билан чакана савдо қилиш ҳуқуқини берадиган рухсат гувоҳномаси (кейинги ўринларда «рухсат гувоҳномаси» деб юритилади) ҳар бир турғун чакана савдо шохобчасига 3 ва 4-иловаларга мувофиқ схема ва шакл бўйича аризада кўрсатилган муддатга, бироқ икки йилдан ортиқ бўлмаган муддатга берилади.

II. Рухсат гувоҳномасини олиш учун юридик шахсларга қўйиладиган талаблар

5. Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини олиш учун юридик шахсларга қуйидаги талаблар қўйилади:

рухсат гувоҳномасини олиш учун ариза берилган пайтда шаҳарларда — энг кам ойлик иш ҳақининг камида 100 баравари миқдорида ва қишлоқ жойларда ҳамда чекка тоғли туманларда энг кам ойлик иш ҳақининг 50 баравари миқдорида шаклланган устав фонди мавжуд бўлиши;

Олдинги таҳрирга қаранг.

шаҳарларда — алоҳида кириладиган ва камида 25 квадрат метрли, қишлоқ жойларда камида 15 квадрат метрли савдо зали майдони бўлган (фақат алкоголли маҳсулотлар билан чакана савдо қилишга мўлжалланган), чекка тоғли туманларда — алоҳида савдо секцияси бўлган, алкоголли маҳсулотларни сақлаш ва сотишнинг санитария нормалари ва қоидаларига (шу жумладан назорат-касса машиналарини ва банк пластик карточкалари орқали тўловларни қабул қилиш бўйича ҳисоб-китоб терминалларини қўллаш шартларига, моддий бойликлар тўлиқ даражада сақланиши таъминланишига) мувофиқ бўлган омбор бинолари ва асбоб-ускуналари бўлган ўзининг ёки ижарага олинган турғун савдо шохобчаси мавжудлиги;

(5-банднинг учинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

Олдинги таҳрирга қаранг.

турғун савдо шохобчаси таълим, спорт ва диний муассасалардан радиуси камида беш юз метр масофада жойлашганлиги;

(5-банднинг тўртинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

савдо шохобчалари жамоат транспорти тўхташ жойларида, шу жумладан метрополитен бекатларида, жамоат жойларида ва дам олиш жойларида, даволаш-профилактика ва спорт-соғломлаштириш муассасалари ҳудудида, ушбу муассасалар ва ишлаб чиқариш корхоналарининг ошхоналарида, шунингдек аэропортлар, темир йўл вокзаллари ва автостанцияларга туташиб кетган жойларда жойлашмаганлиги;

Олдинги таҳрирга қаранг.

юридик шахс томонидан алкоголли маҳсулотлар билан чакана савдо қилиш учун белгиланган тартибда рўйхатдан ўтказилган махсус фойдаланиладиган, ҳимояланган фискал хотирали назорат-касса машинаси ва банк пластик карточкалари орқали тўловларни қабул қилиш бўйича ҳисоб-китоб терминаллари мавжудлиги.

(5-банднинг олтинчи хатбошиси Ўзбекистон Республикаси Президентининг 2014 йил 26 декабрдаги ПҚ-2280-сонли қарори таҳририда — ЎР ҚҲТ, 2014 й., 52(I)-сон, 641-модда)

III. Рухсат гувоҳномасини олиш учун зарур бўлган ҳужжатлар

6. Рухсат гувоҳномасини олиш учун юридик шахслар турғун чакана савдо шохобчаси жойлашган жой бўйича Комиссиянинг ишчи органига қуйидагиларни тақдим этадилар:

юридик шахснинг номи ва ташкилий-ҳуқуқий шакли, у жойлашган жой (почта манзили), банк муассасаси номи ва банкдаги ҳисоб рақамининг тартиб рақами кўрсатилган ҳолда рухсат гувоҳномаси берилиши тўғрисида ариза;

Олдинги таҳрирга қаранг.

юридик шахс давлат рўйхатидан ўтказилганлиги тўғрисидаги гувоҳноманинг нусхаси;

(6-банднинг учинчи хатбошиси Ўзбекистон Республикаси Президентининг 2014 йил 26 декабрдаги ПҚ-2280-сонли қарори таҳририда — ЎР ҚҲТ, 2014 й., 52(I)-сон, 641-модда)

шаҳарларда — энг кам ойлик иш ҳақининг камида 100 баравари миқдорида ва қишлоқ жойларда ҳамда чекка тоғли туманларда — энг кам ойлик иш ҳақининг 50 баравари миқдорида шакллантирилган устав фонди мавжудлигини тасдиқлайдиган ҳужжатнинг нусхаси. Устав фонди пул маблағларида шакллантирилган тақдирда тасдиқловчи ҳужжат хизмат кўрсатувчи банк томонидан берилади. Устав фонди бошқа мол-мулк билан шакллантирилган тақдирда юридик шахс ушбу мол-мулкка эгалик ҳуқуқи, унинг қиймати ва у устав фондига қўшилганлиги ҳақидаги тасдиқномани тақдим этади;

Олдинги таҳрирга қаранг.

(6-банднинг бешинчи хатбошиси Ўзбекистон Республикаси Президентининг 2014 йил 26 декабрдаги ПҚ-2280-сонли қарорига асосан чиқарилган — ЎР ҚҲТ, 2014 й., 52(I)-сон, 641-модда)

Олдинги таҳрирга қаранг.

(6-банднинг олтинчи хатбошиси Ўзбекистон Республикаси Президентининг 2014 йил 26 декабрдаги ПҚ-2280-сонли қарорига асосан чиқарилган — ЎР ҚҲТ, 2014 й., 52(I)-сон, 641-модда)

чакана савдо қилиш ҳуқуқи учун маҳаллий йиғим тўланганлигини тасдиқлайдиган банк ҳужжатининг нусхаси.

Олдинги таҳрирга қаранг.

Ишчи орган рухсат гувоҳномасини бериш учун бошқа ваколатли органларда мавжуд бўлган зарур ҳужжатлар ва ахборотни белгиланган тартибда ахборот соҳасидаги ҳамкорлик воситасида, шу жумладан электрон кўринишида мустақил равишда олади, мазкур бандда назарда тутилган ҳужжатлар ва ахборот бундан мустасно.

(6-банд Ўзбекистон Республикаси Президентининг 2014 йил 26 декабрдаги ПҚ-2280-сонли қарорига асосан хатбоши билан тўлдирилган — ЎР ҚҲТ, 2014 й., 52(I)-сон, 641-модда)

7. Юридик шахсдан мазкур Низомда назарда тутилмаган ҳужжатларни тақдим этиш талаб қилинишига йўл қўйилмайди.

8. Ҳужжатлар юридик шахс томонидан ишчи органга бевосита ёхуд олинганлиги маълум қилинган ҳолда почта алоқаси воситаси орқали етказиб берилади.

Ҳужжатлар ишчи органнинг масъул шахси томонидан рўйхат бўйича қабул қилинади, уларнинг нусхаси ҳужжатлар қабул қилинган сана тўғрисидаги белги қўйилган ҳолда ариза берувчига топширилади (юборилади).

Қонун ҳужжатларида белгиланган тақдим этилган маълумотларнинг ишончлилиги учун юридик шахс — ариза берувчи жавоб беради.

IV. Ишчи орган томонидан аризалар кўриб чиқилиши тартиби

9. Ишчи орган 5 иш куни мобайнида тақдим этилган ҳужжатларни ўрганади ва уларнинг ишончлилигини ҳамда алкоголли маҳсулотлар билан чакана савдо қилишнинг мазкур Низом билан белгиланган талабларига мувофиқлигини аниқлайди.

10. Ишчи органнинг барча аъзолари бир овоздан қарор қабул қилган тақдирда Комиссияга рухсат гувоҳномаси бериш тўғрисидаги таклиф киритилади.

Агар ишчи орган Комиссияга ижобий хулоса киритган тақдирда, хулоса билан биргаликда алкоголли маҳсулотлар сотиш ва нақд пул тушумини тижорат банклари кассаларига топширишнинг прогноз ҳажмлари киритилади. Комиссия томонидан рухсат гувоҳномаси берилган тақдирда прогноз ҳажмларга йилнинг ҳар чорагида ишчи орган томонидан тузатишлар киритилади.

Олдинги таҳрирга қаранг.

Комиссия раиси ва аъзолари мазкур Низомнинг 5-бандида назарда тутилган талабларга мос келмайдиган юридик шахсларга рухсат гувоҳномаси берилганлиги учун шахсан жавобгар бўладилар.

(10-банд Ўзбекистон Республикаси Президентининг 2012 йил 15 майдаги ПҚ-1756-сонли қарорига асосан хатбоши билан тўлдирилган — ЎР ҚҲТ, 2012 й., 20-сон, 216-модда)

V. Ишчи органнинг хулосаси Комиссия томонидан кўриб чиқилиши ва рухсат гувоҳномасини бериш ёки рухсат гувоҳномаси беришни рад этиш тўғрисида қарор қабул қилиш тартиби

11. Комиссия 10 иш куни мобайнида ишчи орган томонидан тақдим этилган ҳужжатларни ўрганади ва комиссиянинг барча аъзолари бир овоздан қарор қабул қилган тақдирда рухсат гувоҳномасини бериш тўғрисида қарор қабул қилади.

Комиссия юридик шахсни тегишли қарор қабул қилингандан кейин 3 иш куни мобайнида қабул қилинган қарор тўғрисида хабардор қилади.

12. Рухсат гувоҳномаси Комиссия раиси томонидан имзоланади.

Рухсат гувоҳномаси бланкалари қатъий ҳисобот бериладиган ҳужжатлар ҳисобланади, ҳисобга олиш сериясига, тартиб рақамига, ҳимояланганлик даражасига эга бўлади.

Комиссия раиси рухсат гувоҳномаси бланкаларидан мақсадли фойдаланилиши, уларнинг сақланиши ва ҳисобга олиниши учун шахсан жавоб беради.

Рухсат гувоҳномаси бланкалари, шу жумладан алкоголли маҳсулотлар билан чакана савдо қилиш учун юридик шахсларга берилган рухсат гувоҳномаси бланкалари ҳисоби Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан берилган рухсатномаларни рўйхатдан ўтказиш дафтарида юритилади.

VI. Рухсат гувоҳномаси беришни рад этиш учун асослар

13. Қуйидагилар рухсат гувоҳномаси беришни рад этиш учун асос ҳисобланади:

Олдинги таҳрирга қаранг.

рухсат гувоҳномасини бериш учун зарур ҳужжатларнинг тўлиқ ҳажмда тақдим этилмаслиги;

(13-банднинг иккинчи хатбошиси Ўзбекистон Республикаси Президентининг 2014 йил 26 декабрдаги ПҚ-2280-сонли қарори таҳририда — ЎР ҚҲТ, 2014 й., 52(I)-сон, 641-модда)

Олдинги таҳрирга қаранг.

буюртмачининг алкоголли маҳсулотлар билан чакана савдо қилиш учун мазкур Низомнинг 5-бандида белгиланган талабларга мувофиқ эмаслиги;

(13-банднинг учинчи хатбошиси Ўзбекистон Республикаси Президентининг 2014 йил 26 декабрдаги ПҚ-2280-сонли қарори таҳририда — ЎР ҚҲТ, 2014 й., 52(I)-сон, 641-модда)

тақдим этилган ҳужжатларда ишончсиз ёки бузилган маълумотлар мавжудлиги.

Бошқа асослар бўйича, шу жумладан мақсадга мувофиқ эмаслиги сабаби билан рухсат гувоҳномаси бериш рад этилишига йўл қўйилмайди.

Юридик шахс рухсат гувоҳномаси бериш рад этилиши тўғрисидаги қарор устидан қонун ҳужжатларида белгиланган тартибда шикоят қилиш ҳуқуқига эгадир.

14. Рад этишнинг аниқ сабаблари кўрсатилган рухсат гувоҳномаси беришни рад этиш тўғрисидаги асосли қарор юридик шахсга комиссия раисининг имзоси билан ёзма шаклда топширилади (юборилади). Ушбу қарорда шунингдек юридик шахс кўрсатилган сабабларни бартараф этиб, ҳужжатларни такроран кўриб чиқиш учун тақдим этиши учун етарли бўлган муддат кўрсатилади.

Олдинги таҳрирга қаранг.

Рухсат гувоҳномасини бериш тўғрисидаги аризани такроран кўриб чиқишда, мазкур гувоҳномани беришни рад этиш тўғрисидаги қарорда аввал кўрсатилмаган янги асослар бўйича рухсат гувоҳномасини беришни рад этишга йўл қўйилмайди.

(14-банд Ўзбекистон Республикаси Президентининг 2012 йил 3 октябрдаги ПФ-4473-сонли Фармонига асосан хатбоши билан тўлдирилган — ЎР ҚҲТ, 2012 й., 40-сон, 466-модда)

VII. Рухсат гувоҳномасини қайта расмийлаштириш, унинг амал қилиш муддатини узайтириш, дубликат бериш

15. Юридик шахс қайта ўзгартирилган, унинг номи ёки жойлашган жойи (почта манзили) ўзгарган тақдирда юридик шахс ёки унинг ҳуқуқий вориси қайта рўйхатдан ўтказилгандан кейин бир ҳафта муддатда кўрсатиб ўтилган маълумотларни тасдиқлайдиган ҳужжатлар илова қилинган ҳолда ишчи органга рухсат гувоҳномасини қайта расмийлаштириш тўғрисида ариза бериши шарт.

Ушбу ҳолатда рухсат гувоҳномаси қайта расмийлаштирилгунга қадар юридик шахс рухсат гувоҳномасида кўрсатилган фаолиятни олдин берилган рухсат гувоҳномаси асосида амалга оширади.

16. Рухсат гувоҳномасини қайта расмийлаштиришда берилган рухсатномаларни рўйхатдан ўтказиш дафтарига тегишли ўзгартиришлар киритилади. Рухсат гувоҳномасини қайта расмийлаштириш ишчи орган томонидан юридик шахснинг тегишли ҳужжатлар илова қилинган рухсат гувоҳномасини қайта расмийлаштириш тўғрисидаги аризаси олинган кундан бошлаб 5 иш куни мобайнида амалга оширилади.

17. Рухсат гувоҳномасининг амал қилиш муддатини узайтириш юридик шахснинг аризаси бўйича амалга оширилади.

Рухсат гувоҳномасининг амал қилиш муддатини узайтириш тўғрисидаги ариза ишчи органга рухсат гувоҳномасининг амал қилиш муддати тамом бўлишидан камида 15 кун олдин берилиши керак.

Рухсат гувоҳномасининг амал қилиш муддатини узайтириш ёки узайтиришни рад этиш тўғрисидаги қарор рухсат гувоҳномасини бериш учун назарда тутилган тартибда қабул қилинади.

18. Амал қилиш муддати тамом бўлмаган йўқотилган ёки яроқсиз ҳолга келиб қолган рухсат гувоҳномаси ўрнига юридик шахснинг аризасига кўра дубликат берилиши мумкин.

VIII. Рухсат гувоҳномасининг амал қилишини тўхтатиб туриш, тўхтатиш ва уни бекор қилиш

19. Давлат солиқ хизмати органларининг тақдимномаси бўйича Комиссия алкоголли маҳсулотлар билан чакана савдо қилиш қоидалари, шу жумладан нақд пул тушумини инкассация қилиш қоидалари бузилганлиги аниқланган тақдирда рухсат гувоҳномасининг амал қилишини 10 кундан ортиқ бўлмаган муддатга тўхтаб туриш тўғрисида қарор қабул қилиши мумкин.

20. Таъмирлаш ишлари амалга оширилиши, шунингдек шунга ўхшаш бошқа ҳолатлар муносабати билан фаолият вақтинча тўхтатилган тақдирда юридик шахс бу ҳақда Комиссияга ва давлат солиқ хизматининг тегишли органига ёзма равишда маълум қилиши шарт.

21. Юридик шахс томонидан алкоголли маҳсулотлар билан чакана савдо қилиш қоидалари мунтазам равишда ёхуд бир марта қўпол равишда бузилган тақдирда, шунингдек қонун ҳужжатларида белгиланган бошқа ҳолатларда рухсат гувоҳномасининг амал қилиши суд тартибида тўхтатилиши мумкин.

22. Қалбаки ҳужжатлардан фойдаланилган ҳолда рухсат гувоҳномаси олиниши ҳолати тасдиқланган тақдирда, шунингдек қонун ҳужжатларида белгиланган бошқа ҳолатларда рухсат гувоҳномасининг амал қилиши қонун ҳужжатларида белгиланган тартибда бекор қилиниши мумкин.

IX. Мазкур Низом бузилганлиги учун жавобгарлик

23. Мазкур Низомни бузишда айбдор бўлган шахслар қонун ҳужжатларида белгиланган тартибда жавоб берадилар.

Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш тартиби тўғрисидаги низомга
3-ИЛОВА

Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш

СХЕМАСИ

http://www.lex.uz/files/1145640

Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш тартиби тўғрисидаги низомга
4-ИЛОВА

Олдинги таҳрирга қаранг.

http://www.lex.uz/files/1022819

ЎЗБЕКИСТОН РЕСПУБЛИКАСИ
______________________________________________________________ (Қорақалпоғистон Республикаси, вилоятлар ва Тошкент шаҳар ҳокимликлари)

   

Бланка серияси ва тартиб рақами

Алкоголли маҳсулотлар билан чакана савдо қилиш ҳуқуқини берадиган
РУХСАТ ГУВОҲНОМАСИ

200___ й. «____» __________ № ______

__________________________________________________________________________га

(юридик шахснинг тўлиқ номи)

Почта манзили ________________________________________________________________

СТИР _______________________________________________________________________

ИФТУК коди __________________________________________________________________

НКМ __________________ ДСИда ____________ тартиб рақами билан рўйхатдан ўтказилган.

Алкоголли маҳсулотлар билан чакана савдо қилишнинг белгиланган талабларига жавоб берадиган ________________________________ манзилида жойлашган турғун савдо шохобчаси орқали алкоголли маҳсулотлар билан чакана савдо қилиш ҳуқуқи берилди.

200__ йил «___» ___________ гача берилган.

Иш вақти соат «____» дан «____» гача

Объектнинг эгаси ______________________________________________________________

(юридик шахснинг тўлиқ номи)

Объектдан фойдаланувчи _______________________________________________________

(чакана савдо қилиш ҳуқуқи учун маҳаллий

____________________________________________________________________________

йиғим тўлайдиган юридик шахснинг номи)

Алоҳида шартлар ______________________________________________________________

Имзо

Имзо _____________

 
   

МЎ

 

* Изоҳ. Рухсат гувоҳномаси ҳар бир савдо шохобчасига алоҳида берилади. Нотариус томонидан тасдиқланмаган рухсат гувоҳномаси нусхаси ҳақиқий ҳисобланмайди.

(4-илова Ўзбекистон Республикаси Президентининг 2016 йил 19 сентябрдаги ПҚ-2601-сонли қарори таҳририда — ЎР ҚҲТ, 2016 й., 38-сон, 445-модда)

Ўзбекистон Республикаси Президентининг
2007 йил 16 мартдаги ПҚ-605-сон
қарорига
2-ИЛОВА

[ОКОЗ:

1.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.06.00 Чакана савдо (шунингдек, 03.11.01.02 га қаранг)]

Алкоголли маҳсулотлар билан чакана савдо қилиш

ҚОИДАЛАРИ

I. Умумий қоидалар

1. Ушбу Қоидалар алкоголли маҳсулотлар билан чакана савдо қилиш тартиби ва шартларини белгилайди.

Алкоголли маҳсулотлар билан чакана савдо қиладиган юридик шахслар мазкур Қоидалар билан тартибга солинмайдиган масалалар юзасидан бошқа норматив-ҳуқуқий ҳужжатлар билан белгиланган Ўзбекистон Республикасида чакана савдо қилиш қоидаларига амал қилади.

2. Алкоголли маҳсулотларнинг чакана савдоси билан фақат Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги Алкоголли маҳсулотлар билан чакана савдо қилиш ҳуқуқини берадиган рухсат гувоҳномаларини бериш бўйича Махсус комиссия (кейинги ўринларда матнда «Комиссия» деб юритилади) томонидан берилган алкоголли маҳсулотлар билан чакана савдо қилиш ҳуқуқини берадиган рухсат гувоҳномасини (кейинги ўринларда матнда «рухсат гувоҳномаси» деб юритилади) олган юридик шахслар шуғулланиши мумкин.

3. Алкоголли маҳсулотлар билан чакана савдо қиладиган юридик шахслардан қонун ҳужжатларида белгиланган тартибда солиқ ундирилади.

II. Алкоголли маҳсулотлар билан чакана савдо қилиш шартлари

Олдинги таҳрирга қаранг.

4. Алкоголли маҳсулотлар билан фақат шаҳарларда — алоҳида кириладиган ва камида 25 квадрат метрли, қишлоқ жойларда камида 15 квадрат метрли савдо зали майдони бўлган (фақат алкоголли маҳсулотлар билан чакана савдо қилишга мўлжалланган), чекка тоғли туманларда — алоҳида савдо секцияси бўлган, алкоголли маҳсулотларни сақлаш ва сотишнинг санитария нормалари ва қоидаларига (шу жумладан назорат-касса машиналарини ва банк пластик карточкалари орқали тўловларни қабул қилиш бўйича ҳисоб-китоб терминалларини қўллаш шартларига, моддий бойликлар тўлиқ даражада сақланиши таъминланишига) мувофиқ бўлган омбор бинолари ва асбоб-ускуналари бўлган турғун савдо шохобчасида чакана савдо қилиш мумкин.

(4-банднинг биринчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

Турғун савдо шохобчаси:

Олдинги таҳрирга қаранг.

таълим, спорт ва диний муассасалардан радиуси камида беш юз метр масофада бўлиши;

(4-банднинг учинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

жамоат транспорти тўхташ жойларида, шу жумладан метрополитен бекатлари ёнида, жамоат жойларида ва дам олиш жойларида, даволаш-профилактика ва спорт-соғломлаштириш муассасалари ҳудудларида, ушбу муассасалар ва ишлаб чиқариш корхоналарнинг ошхоналарида, шунингдек аэропортлар, темир йўл вокзаллари ва автостанцияларга туташиб кетган ҳудудларда жойлашмаслиги керак.

Олдинги таҳрирга қаранг.

Алкоголли маҳсулотлар сотиладиган жойларда уни йигирма ёшга тўлмаган шахсларга сотилишига йўл қўйилмаслиги, шунингдек алкоголли маҳсулотларнинг инсон соғлиғига зарарли таъсири тўғрисида огоҳлантирувчи ёзувлар жойлаштирилган бўлиши шарт.

(4-банд Ўзбекистон Республикаси Президентининг 2012 йил 15 майдаги ПҚ-1756-сонли қарорига асосан хатбоши билан тўлдирилган — ЎР ҚҲТ, 2012 й., 20-сон, 216-модда)

5. Юридик шахслар алкоголли маҳсулотлар билан фақат рухсат гувоҳномасини беришда Комиссия томонидан белгиланган вақт мобайнида чакана савдо қиладилар.

Олдинги таҳрирга қаранг.

6. Алкоголли маҳсулотлар билан чакана савдо қилиш фақат юридик шахс томонидан ушбу мақсадлар учун ҳимояланган фискал хотирали махсус назорат-касса машиналаридан ва банк пластик карточкалари орқали тўловларни қабул қилиш бўйича ҳисоб-китоб терминалларидан фойдаланган ҳолда амалга оширилади.

(6-банд Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

7. Алкоголли маҳсулотлар билан чакана савдо қиладиган юридик шахслар туманлар ҳар чоракда (шаҳарлар) ҳокимликлари ҳузуридаги алкоголли маҳсулотлар билан чакана савдо қилиш ҳуқуқини берадиган рухсат гувоҳномалари олиш учун ҳужжатларни кўриб чиқиш бўйича комиссия томонидан белгиланган алкоголли маҳсулотлар сотиш ҳамда нақд тушумни тижорат банклари кассаларига топширишнинг прогноз ҳажмларини бажариши керак.

8. Алкоголли маҳсулотлар билан чакана савдо қиладиган юридик шахслар алкоголли маҳсулотлар ва товарларнинг бошқа турларини сотишдан тушадиган маблағлар бўйича алоҳида ҳисоб олиб боришлари шарт.

III. Алкоголли маҳсулотларни чакана тармоқларда сотиш ва сақлаш тартиби

9. Сифатига кўра стандартларнинг мажбурий талабларига ва техник шартларга мувофиқ бўлган, белгиланган намунадаги акциз маркаси билан маркаланган алкоголли маҳсулотлар сотилиши керак.

10. Мувофиқлик сертификати харидорнинг биринчи талаби бўйича сотувчи томонидан тақдим этилиши керак.

11. Алкоголли маҳсулотларни, шу жумладан импорт алкоголли маҳсулотларни сотувчи маҳсулотларнинг ҳар бир номи бўйича тайёрловчи ёки етказиб берувчининг имзоси ва муҳри билан тасдиқланган ҳамда сертификатнинг ҳисобга олиш ва рўйхатдан ўтказиш рақамлари, амал қилиш муддати ва уни берган орган кўрсатилган ҳолда маҳсулотнинг ҳар бир номи бўйича мувофиқлик сертификати мавжудлиги тўғрисидаги маълумотлар мавжуд бўлган товар-транспорт ҳужжатларига эга бўлиши керак.

12. Алкоголли маҳсулотлар маҳсулотнинг тегишли турига қўйиладиган норматив ҳужжатлар талабларига мувофиқ ҳолда сақланиши керак.

Оғзи пўстлоқ тиқин билан маҳкамланган алкоголли маҳсулот солинган шишалар тиқиннинг қуриб қолмаслиги ва ҳаво кирмаслиги учун омборхоналарда ётиқ ҳолатда, бошқача тарзда тиқинланган шишалар эса тик ҳолатда сақланади.

13. Алкоголли ичимликлар савдо залига қўйилишидан олдин сотувчи (ходим) ташқи белгиларига қараб уларнинг сифатини текшириб кўриши шарт.

14. Харидор томонидан камчиликлари бўлган алкоголли маҳсулотлар харид қилинган тақдирда сотувчи харидор талабига кўра уларни зарур сифатга эга бўлган товарга алмаштириб беришга ёки, агар мазкур камчиликлар товарнинг яроқлилик муддати доирасида аниқланган бўлса, харидор тўлаган суммани унга қайтариб беришга мажбурдир.

IV. Алкоголли маҳсулотларни сотиш тақиқланадиган шартлар

Олдинги таҳрирга қаранг.

15. Алкоголли маҳсулотларни сотиш тақиқланади:

савдо автоматлари орқали;

болалар ўйинчоқлари, конфетлар ёки болалар ассортиментига кирувчи бошқа товарларни имитация қилувчи (шуларга ўхшатиб ишланган бўлса);

савдо қилинаётган жойларда йигирма ёшга тўлмаган шахсларга уни сотишга йўл қўйилмаслиги, шунингдек алкоголли маҳсулотларнинг инсон соғлиғига зарарли таъсири тўғрисидаги огоҳлантирувчи ёзувлар бўлмаган ҳолларда;

алкоголли маҳсулотларнинг тарасида алкоголли маҳсулотларни истеъмол қилиш инсон соғлиғига зарарли таъсир қилиши тўғрисида матн ва (ёки) расм шаклидаги тиббий огоҳлантириш мавжуд бўлмаган ҳолларда.

(15-банд Ўзбекистон Республикаси Президентининг 2016 йил 16 сентябрдаги ПҚ-2597-сонли қарори таҳририда — ЎР ҚҲТ, 2016 й., 38-сон, 444-модда)

Олдинги таҳрирга қаранг.

йигирма ёшга тўлмаган шахсларга;

(15-банднинг иккинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

мувофиқлик сертификатисиз;

яроқлилик муддати ўтиб кетган ҳолда;

Олдинги таҳрирга қаранг.

акциз маркалари билан маркаланмаган (пиводан ташқари) ёки қалбаки акциз маркалари билан маркаланган ҳолда;

(15-банднинг бешинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

ишлаб чиқарган корхонани аниқлаш имконини берадиган даражада аниқ маркаланмаган ҳолда;

уни ишлаб чиқаришга лицензияси бўлмаган мамлакатимиз ишлаб чиқарувчиси томонидан ишлаб чиқарилганда;

алкоголли маҳсулотни етказиб бериш ҳуқуқига эга бўлмаган ёки божхона орқали тартибга солиш, қоидаларни, савдо белгиларидан ва фирма номларидан фойдаланиш соҳасидаги қонун ҳужжатлари билан белгиланган қоидаларни, бошқа норматив-ҳуқуқий ҳужжатларни бузган ҳолда уни амалга оширган етказиб берувчидан сотиб олинганда;

санитария нормаларига ва алкоголли маҳсулотларни сақлаш ва сотиш қоидаларига мувофиқ бўлмаган хона ва жойларда;

Олдинги таҳрирга қаранг.

таълим, спорт ва диний муассасалардан радиуси камида беш юз метр масофада жойлашган савдо корхоналарида;

(15-банднинг ўнинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

жамоат транспорти тўхташ жойларида, шу жумладан метрополитен бекатлари ёнида, жамоат жойларида ва дам олиш жойларида, даволаш-профилактика ва спорт-соғломлаштириш муассасалари ҳудудларида, ушбу муассасалар ва ишлаб чиқариш корхоналарнинг ошхоналарида, шунингдек аэропортлар, темир йўл вокзаллари ва автостанцияларга туташиб кетган ҳудудларда жойлашган савдо корхоналарида;

этикеткаларсиз, ифлос (ички ёки ташқи томони), синган (оғзи учган, ёрилган), тиқини шикастланган, умумий кўриниши тиниқ бўлмаган, чет нарсалар аралашган, чўкиндили шишаларда (винолар тўпламидан ташқари) сотиш тақиқланади.

Олдинги таҳрирга қаранг.

алкоголли маҳсулотларга (пиводан ташқари) қонун ҳужжатларида белгиланган энг кам чакана нархдан паст нархлар бўйича.

(15-банднинг ўн учинчи хатбошиси Ўзбекистон Республикаси Президентининг 2012 йил 15 майдаги ПҚ-1756-сонли қарори таҳририда — ЎР ҚҲТ, 2012 й., 20-сон, 216-модда)

Олдинги таҳрирга қаранг.

151. Алкоголли маҳсулотлар билан савдо қилаётган сотувчи йигирма ёшдан кичикроқ кўринган харидордан унинг ёшини тасдиқловчи ҳужжатни кўрсатишни талаб қилиши, ҳужжат мавжуд бўлмаган тақдирда эса алкоголли маҳсулот сотишни рад этиши шарт.

(151-банд Ўзбекистон Республикаси Президентининг 2016 йил 16 сентябрдаги ПҚ-2597-сонли қарорига асосан тўлдирилган — ЎР ҚҲТ, 2016 й., 38-сон, 444-модда)

V. Ушбу Алкоголли маҳсулотлар билан чакана савдо қоидаларини бузганлик учун жавобгарлик

16. Алкоголли маҳсулотлар билан чакана савдо қилишнинг белгиланган қоидалари бузилганлиги учун юридик шахсларга алкоголли маҳсулотлар билан савдо қилиш ҳуқуқидан маҳрум қилинган ҳолда энг кам ойлик иш ҳақининг икки юз бараваридан уч юз бараваригача миқдорда жарима солинади, ушбу юридик шахсларнинг тегишли ходимлари эса белгиланган тартибда маъмурий ва жиноий жавобгарликка тортиладилар.

Бошқа норматив-ҳуқуқий ҳужжатлар билан белгиланган савдо қилиш қоидалари бузилишида айбдор бўлган шахслар қонун ҳужжатларида белгиланган тартибда жавоб берадилар.

Белгиланган яроқлилик муддати доирасида камчиликлари бўлган алкоголли ичимликлар сотиш оқибатида истеъмолчининг ҳаёти ва соғлиғига етказилган зарар қонун ҳужжатларига мувофиқ қопланиши керак.

 

(Ўзбекистон Республикаси қонун ҳужжатлари тўплами, 2007 й., 12-сон, 107-модда; 2009 й., 52-сон, 560-модда; 2012 й., 20-сон, 216-модда, 40-сон, 466-модда; 2014 й., 52(I)-сон, 641-модда; 2016 й., 38-сон, 444-модда, 38-сон, 445-модда)

 

 

 

 

 

 

 

 

 

Ўзбекистон Республикаси

Президентининг

2007 йил 16 мартдаги

ПҚ-605-сон қарорига

1-ИЛОВА

 

Алкоголли маҳсулотлар билан чакана савдо қилиш

ҳуқуқини берадиган рухсат гувоҳномасини

бериш тартиби тўғрисида

НИЗОМ

 

I. УМУМИЙ ҚОИДАЛАР

 

1. Мазкур Низом алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш тартибини белгилайди.

 

2. Алкоголли маҳсулотларнинг чакана савдоси билан фақат алкоголли маҳсулотлар билан чакана савдо қилиш ҳуқуқини берадиган рухсат гувоҳномасини олган юридик шахслар шуғулланишлари мумкин.

 

3. Рухсат гувоҳномаси бериш (амал қилиш муддатини 10 кун муддатгача тўхтатиб қўйиш, шунингдек амал қилишини тўхтатиш, бекор қилиш тартиб-қоидаси ташаббуси билан чиқиш) тўғрисидаги қарор Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги 1-иловага мувофиқ таркибда ташкил этиладиган алкоголли маҳсулотлар билан чакана савдо қилиш ҳуқуқини берадиган рухсат гувоҳномасини бериш бўйича махсус комиссиялар (кейинги ўринларда "Комиссия" деб юритилади) томонидан қабул қилинади.

Ҳужжатларни қабул қилиш, улар бўйича Комиссиянинг хулосалари ва қарорлари лойиҳаларини тайёрлаш учун туманлар (шаҳарлар) даражасида туман (шаҳар) ҳокимликлари ҳузурида 2-иловага мувофиқ таркибда алкоголли маҳсулотлар билан чакана савдо қилиш ҳуқуқини берадиган рухсат гувоҳномасини олиш учун ҳужжатларни кўриб чиқиш бўйича комиссиялар (кейинги ўринларда "ишчи орган" деб юритилади) ташкил этилади.

 

4. Алкоголли маҳсулотлар билан чакана савдо қилиш ҳуқуқини берадиган рухсат гувоҳномаси (кейинги ўринларда "рухсат гувоҳномаси" деб юритилади) ҳар бир турғун чакана савдо шохобчасига 3 ва 4-иловаларга мувофиқ схема ва шакл бўйича аризада кўрсатилган муддатга, бироқ икки йилдан ортиқ бўлмаган муддатга берилади.

 

II. РУХСАТ ГУВОҲНОМАСИНИ ОЛИШ

УЧУН ЮРИДИК ШАХСЛАРГА

ҚЎЙИЛАДИГАН ТАЛАБЛАР

 

5. Алкоголли маҳсулотлар билан чакана савдо қилиш ҳуқуқини берадиган рухсат гувоҳномасини олиш учун юридик шахсларга қуйидаги талаблар қўйилади:

рухсат гувоҳномасини олиш учун ариза берилган пайтда шаҳарларда - энг кам ойлик иш ҳақининг камида 100 баравари миқдорида ва қишлоқ жойларда ҳамда чекка тоғли туманларда энг кам ойлик иш ҳақининг 50 баравари миқдорида шаклланган устав фонди мавжуд бўлиши;

шаҳарларда - алоҳида кириладиган ва камида 25 квадрат метрли, қишлоқ жойларда камида 15 квадрат метрли савдо зали майдони бўлган (фақат алкоголли маҳсулотлар билан чакана савдо қилишга мўлжалланган), чекка тоғли туманларда - алоҳида савдо секцияси бўлган, алкоголли маҳсулотларни сақлаш ва сотишнинг санитария нормалари ва қоидаларига (шу жумладан, назорат-касса машиналарини ва банк пластик карточкалари орқали тўловларни қабул қилиш бўйича ҳисоб-китоб терминалларини қўллаш шартларига, моддий бойликлар тўлиқ даражада сақланиши таъминланишига) мувофиқ бўлган омбор бинолари ва асбоб-ускуналари бўлган ўзининг ёки ижарага олинган турғун савдо шохобчаси мавжудлиги;

турғун савдо шохобчаси таълим, спорт ва диний муассасалардан радиуси камида беш юз метр масофада жойлашганлиги;

савдо шохобчалари жамоат транспорти тўхташ жойларида, шу жумладан метрополитен бекатларида, жамоат жойларида ва дам олиш жойларида, даволаш-профилактика ва спорт-соғломлаштириш муассасалари ҳудудида, ушбу муассасалар ва ишлаб чиқариш корхоналарининг ошхоналарида, шунингдек аэропортлар, темир йўл вокзаллари ва автостанцияларга туташиб кетган жойларда жойлашмаганлиги;

юридик шахс томонидан алкоголли маҳсулотлар билан чакана савдо қилиш учун белгиланган тартибда рўйхатдан ўтказилган махсус фойдаланиладиган, ҳимояланган фискал хотирали назорат-касса машинаси ва банк пластик карточкалари орқали тўловларни қабул қилиш бўйича ҳисоб-китоб терминаллари мавжудлиги.

 

III. РУХСАТ ГУВОҲНОМАСИНИ ОЛИШ

УЧУН ЗАРУР БЎЛГАН ҲУЖЖАТЛАР

 

6. Рухсат гувоҳномасини олиш учун юридик шахслар турғун чакана савдо шохобчаси жойлашган жой бўйича Комиссиянинг ишчи органига қуйидагиларни тақдим этадилар:

юридик шахснинг номи ва ташкилий-ҳуқуқий шакли, у жойлашган жой (почта манзили), банк муассасаси номи ва банкдаги ҳисоб рақамининг тартиб рақами кўрсатилган ҳолда рухсат гувоҳномаси берилиши тўғрисида ариза;

юридик шахс давлат рўйхатидан ўтказилганлиги тўғрисидаги гувоҳноманинг нусхаси;

шаҳарларда - энг кам ойлик иш ҳақининг камида 100 баравари миқдорида ва қишлоқ жойларда ҳамда чекка тоғли туманларда - энг кам ойлик иш ҳақининг 50 баравари миқдорида шакллантирилган устав фонди мавжудлигини тасдиқлайдиган ҳужжатнинг нусхаси. Устав фонди пул маблағларида шакллантирилган тақдирда тасдиқловчи ҳужжат хизмат кўрсатувчи банк томонидан берилади. Устав фонди бошқа мол-мулк билан шакллантирилган тақдирда юридик шахс ушбу мол-мулкка эгалик ҳуқуқи, унинг қиймати ва у устав фондига қўшилганлиги ҳақидаги тасдиқномани тақдим этади;

чакана савдо қилиш ҳуқуқи учун маҳаллий йиғим тўланганлигини тасдиқлайдиган банк ҳужжатининг нусхаси.

Ишчи орган рухсат гувоҳномасини бериш учун бошқа ваколатли органларда мавжуд бўлган зарур ҳужжатлар ва ахборотни белгиланган тартибда ахборот соҳасидаги ҳамкорлик воситасида, шу жумладан электрон кўринишида мустақил равишда олади, мазкур бандда назарда тутилган ҳужжатлар ва ахборот бундан мустасно.

7. Юридик шахсдан мазкур Низомда назарда тутилмаган ҳужжатларни тақдим этиш талаб қилинишига йўл қўйилмайди.

 

8. Ҳужжатлар юридик шахс томонидан ишчи органга бевосита ёхуд олинганлиги маълум қилинган ҳолда почта алоқаси воситаси орқали етказиб берилади.

Ҳужжатлар ишчи органнинг масъул шахси томонидан рўйхат бўйича қабул қилинади, уларнинг нусхаси ҳужжатлар қабул қилинган сана тўғрисидаги белги қўйилган ҳолда ариза берувчига топширилади (юборилади).

Қонун ҳужжатларида белгиланган тақдим этилган маълумотларнинг ишончлилиги учун юридик шахс - ариза берувчи жавоб беради.

 

IV. ИШЧИ ОРГАН ТОМОНИДАН

АРИЗАЛАР КЎРИБ ЧИҚИЛИШИ ТАРТИБИ

 

9. Ишчи орган 5 иш куни мобайнида тақдим этилган ҳужжатларни ўрганади ва уларнинг ишончлилигини ҳамда алкоголли маҳсулотлар билан чакана савдо қилишнинг мазкур Низом билан белгиланган талабларига мувофиқлигини аниқлайди.

 

10. Ишчи органнинг барча аъзолари бир овоздан қарор қабул қилган тақдирда Комиссияга рухсат гувоҳномаси бериш тўғрисидаги таклиф киритилади.

Агар ишчи орган Комиссияга ижобий хулоса киритган тақдирда, хулоса билан биргаликда алкоголли маҳсулотлар сотиш ва нақд пул тушумини тижорат банклари кассаларига топширишнинг прогноз ҳажмлари киритилади. Комиссия томонидан рухсат гувоҳномаси берилган тақдирда прогноз ҳажмларга йилнинг ҳар чорагида ишчи орган томонидан тузатишлар киритилади.

Комиссия раиси ва аъзолари мазкур Низомнинг 5-бандида назарда тутилган талабларга мос келмайдиган юридик шахсларга рухсат гувоҳномаси берилганлиги учун шахсан жавобгар бўладилар.

 

V. ИШЧИ ОРГАННИНГ ХУЛОСАСИ КОМИССИЯ

ТОМОНИДАН КЎРИБ ЧИҚИЛИШИ ВА РУХСАТ

ГУВОҲНОМАСИНИ БЕРИШ ЁКИ РУХСАТ

ГУВОҲНОМАСИ БЕРИШНИ РАД ЭТИШ

ТЎҒРИСИДА ҚАРОР ҚАБУЛ ҚИЛИШ ТАРТИБИ

 

11. Комиссия 10 иш куни мобайнида ишчи орган томонидан тақдим этилган ҳужжатларни ўрганади ва комиссиянинг барча аъзолари бир овоздан қарор қабул қилган тақдирда рухсат гувоҳномасини бериш тўғрисида қарор қабул қилади.

Комиссия юридик шахсни тегишли қарор қабул қилингандан кейин 3 иш куни мобайнида қабул қилинган қарор тўғрисида хабардор қилади.

 

12. Рухсат гувоҳномаси Комиссия раиси томонидан имзоланади.

Рухсат гувоҳномаси бланкалари қатъий ҳисобот бериладиган ҳужжатлар ҳисобланади, ҳисобга олиш сериясига, тартиб рақамига, ҳимояланганлик даражасига эга бўлади.

Комиссия раиси рухсат гувоҳномаси бланкаларидан мақсадли фойдаланилиши, уларнинг сақланиши ва ҳисобга олиниши учун шахсан жавоб беради.

Рухсат гувоҳномаси бланкалари, шу жумладан, алкоголли маҳсулотлар билан чакана савдо қилиш учун юридик шахсларга берилган рухсат гувоҳномаси бланкалари ҳисоби Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан берилган рухсатномаларни рўйхатдан ўтказиш дафтарида юритилади.

 

VI. РУХСАТ ГУВОҲНОМАСИ БЕРИШНИ

РАД ЭТИШ УЧУН АСОСЛАР

 

13. Қуйидагилар рухсат гувоҳномаси беришни рад этиш учун асос ҳисобланади:

рухсат гувоҳномасини бериш учун зарур ҳужжатларнинг тўлиқ ҳажмда тақдим этилмаслиги;

буюртмачининг алкоголли маҳсулотлар билан чакана савдо қилиш учун мазкур Низомнинг 5-бандида белгиланган талабларга мувофиқ эмаслиги;

тақдим этилган ҳужжатларда ишончсиз ёки бузилган маълумотлар мавжудлиги.

Бошқа асослар бўйича, шу жумладан, мақсадга мувофиқ эмаслиги сабаби билан рухсат гувоҳномаси бериш рад этилишига йўл қўйилмайди.

Юридик шахс рухсат гувоҳномаси бериш рад этилиши тўғрисидаги қарор устидан қонун ҳужжатларида белгиланган тартибда шикоят қилиш ҳуқуқига эгадир.

 

14. Рад этишнинг аниқ сабаблари кўрсатилган рухсат гувоҳномаси беришни рад этиш тўғрисидаги асосли қарор юридик шахсга комиссия раисининг имзоси билан ёзма шаклда топширилади (юборилади). Ушбу қарорда шунингдек юридик шахс кўрсатилган сабабларни бартараф этиб, ҳужжатларни такроран кўриб чиқиш учун тақдим этиши учун етарли бўлган муддат кўрсатилади.

Рухсат гувоҳномасини бериш тўғрисидаги аризани такроран кўриб чиқишда, мазкур гувоҳномани беришни рад этиш тўғрисидаги қарорда аввал кўрсатилмаган янги асослар бўйича рухсат гувоҳномасини беришни рад этишга йўл қўйилмайди.

 

VII. РУХСАТ ГУВОҲНОМАСИНИ ҚАЙТА

РАСМИЙЛАШТИРИШ, УНИНГ АМАЛ ҚИЛИШ

МУДДАТИНИ УЗАЙТИРИШ, ДУБЛИКАТ БЕРИШ

 

15. Юридик шахс қайта ўзгартирилган, унинг номи ёки жойлашган жойи (почта манзили) ўзгарган тақдирда юридик шахс ёки унинг ҳуқуқий вориси қайта рўйхатдан ўтказилгандан кейин бир ҳафта муддатда кўрсатиб ўтилган маълумотларни тасдиқлайдиган ҳужжатлар илова қилинган ҳолда ишчи органга рухсат гувоҳномасини қайта расмийлаштириш тўғрисида ариза бериши шарт.

Ушбу ҳолатда рухсат гувоҳномаси қайта расмийлаштирилгунга қадар юридик шахс рухсат гувоҳномасида кўрсатилган фаолиятни олдин берилган рухсат гувоҳномаси асосида амалга оширади.

 

16. Рухсат гувоҳномасини қайта расмийлаштиришда берилган рухсатномаларни рўйхатдан ўтказиш дафтарига тегишли ўзгартиришлар киритилади. Рухсат гувоҳномасини қайта расмийлаштириш ишчи орган томонидан юридик шахснинг тегишли ҳужжатлар илова қилинган рухсат гувоҳномасини қайта расмийлаштириш тўғрисидаги аризаси олинган кундан бошлаб 5 иш куни мобайнида амалга оширилади.

 

17. Рухсат гувоҳномасининг амал қилиш муддатини узайтириш юридик шахснинг аризаси бўйича амалга оширилади.

Рухсат гувоҳномасининг амал қилиш муддатини узайтириш тўғрисидаги ариза ишчи органга рухсат гувоҳномасининг амал қилиш муддати тамом бўлишидан камида 15 кун олдин берилиши керак.

Рухсат гувоҳномасининг амал қилиш муддатини узайтириш ёки узайтиришни рад этиш тўғрисидаги қарор рухсат гувоҳномасини бериш учун назарда тутилган тартибда қабул қилинади.

 

18. Амал қилиш муддати тамом бўлмаган йўқотилган ёки яроқсиз ҳолга келиб қолган рухсат гувоҳномаси ўрнига юридик шахснинг аризасига кўра дубликат берилиши мумкин.

 

VIII. РУХСАТ ГУВОҲНОМАСИНИНГ

АМАЛ ҚИЛИШИНИ ТЎХТАТИБ ТУРИШ,

ТЎХТАТИШ ВА УНИ БЕКОР ҚИЛИШ

 

19. Давлат солиқ хизмати органларининг тақдимномаси бўйича Комиссия алкоголли маҳсулотлар билан чакана савдо қилиш қоидалари, шу жумладан, нақд пул тушумини инкассация қилиш қоидалари бузилганлиги аниқланган тақдирда рухсат гувоҳномасининг амал қилишини 10 кундан ортиқ бўлмаган муддатга тўхтиб туриш тўғрисида қарор қабул қилиши мумкин.

 

20. Таъмирлаш ишлари амалга оширилиши, шунингдек шунга ўхшаш бошқа ҳолатлар муносабати билан фаолият вақтинча тўхтилган тақдирда, юридик шахс бу ҳақда Комиссияга ва давлат солиқ хизматининг тегишли органига ёзма равишда маълум қилиши шарт.

 

21. Юридик шахс томонидан алкоголли маҳсулотлар билан чакана савдо қилиш қоидалари мунтазам равишда ёхуд бир марта қўпол равишда бузилган тақдирда, шунингдек қонун ҳужжатларида белгиланган бошқа ҳолатларда рухсат гувоҳномасининг амал қилиши суд тартибида тўхтатилиши мумкин.

 

22. Қалбаки ҳужжатлардан фойдаланилган ҳолда рухсат гувоҳномаси олиниши ҳолати тасдиқланган тақдирда, шунингдек қонун ҳужжатларида белгиланган бошқа ҳолатларда рухсат гувоҳномасининг амал қилиши қонун ҳужжатларида белгиланган тартибда бекор қилиниши мумкин.

 

IX. МАЗКУР НИЗОМ БУЗИЛГАНЛИГИ

УЧУН ЖАВОБГАРЛИК

 

23. Мазкур Низомни бузишда айбдор бўлган шахслар қонун ҳужжатларида белгиланган тартибда жавоб берадилар.

Низомга

1-ИЛОВА

 

Қорақалпоғистон Республикаси Вазирлар Кенгаши,

вилоятлар ва Тошкент шаҳар ҳокимликлари ҳузуридаги

Алкоголли маҳсулотлар билан чакана савдо қилиш

ҳуқуқини берадиган рухсат гувоҳномаларини

бериш бўйича Махсус комиссиянинг

НАМУНАВИЙ ТАРКИБИ

Комиссия раиси

-

Қорақалпоғистон Республикаси Вазирлар Кенгаши Раисининг ўринбосари, вилоят ва Тошкент шаҳар ҳокимининг ўринбосари

Комиссия аъзолари:

-

Қорақалпоғистон Республикаси, вилоят ва Тошкент шаҳар Давлат солиқ бошқармаси бошлиғи

 

-

Марказий банкнинг Қорақалпоғистон Республикаси, вилоят ва Тошкент шаҳар ҳудудий бош бошқармаси бошлиғи

 

-

Қорақалпоғистон Республикаси, вилоят ва Тошкент шаҳар давлат санитария-эпидемиология назорати маркази бош врачи

 

-

Қорақалпоғистон Республикаси ички ишлар вазири ўринбосари, вилоят ва Тошкент шаҳар ички ишлар бошқармаси бошлиғи ўринбосари

 

-

Давлат божхона қўмитасининг Қорақалпоғистон Республикаси, вилоят ва Тошкент шаҳри бўйича бошқарма бошлиғи

 

-

Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг Қорақалпоғистон Республикаси, вилоят ва Тошкент шаҳри бошқармаси бошлиғи

 

-

Вилоят "Маҳалла" жамғармаси раиси

Низомга

2-ИЛОВА

 

Туманлар (шаҳарлар) ҳокимликлари ҳузуридаги

алкоголли маҳсулотлар билан чакана савдо қилиш

ҳуқуқини берадиган рухсат гувоҳномалари олиш

ҳужжатларини кўриб чиқиш бўйича комиссиянинг

НАМУНАВИЙ ТАРКИБИ

Комиссия раиси

-

Туман (шаҳар) ҳокими

Комиссия аъзолари:

-

Туман (шаҳар) Давлат солиқ инспекцияси бошлиғи

 

-

Туман (шаҳар) давлат санитария-эпидемиология назорати маркази бош врачи

 

-

туман (шаҳар) ички ишлар бўлими (бошқармаси) бошлиғи

 

-

"Маҳалла" жамғармасининг туман (шаҳар) бўлими раиси

    

 

Низомга

3-ИЛОВА

 

Алкоголли маҳсулотлар билан чакана савдо қилиш

ҳуқуқини берадиган рухсат гувоҳномасини бериш

СХЕМАСИ

Босқичлар

 

Субъектлар

   

Тадбирлар

 

Бажариш муддатлари

                                           
                 

         

Туманлар (шаҳарлар) ҳокимликлари ҳузуридаги алкоголли маҳсулотлар билан чакана савдо қилиш ҳуқуқини берадиган рухсат гувоҳномаларини олиш учун ҳужжатларни кўриб чиқиш бўйича комиссия раиси номига ариза беради ва барча талаб қилинадиган ҳужжатларни тақдим этади.

       

         
                           
                           
       

Чакана савдо ҳуқуқи берилган юридик шахс

   

Талабгорнинг хоҳишига кўра

I босқич

     
     
     
                           
                           
                                       
                                           
       

Туманлар (шаҳарлар) ҳокимликлари ҳузуридаги алкоголли маҳсулотлар  билан чакана савдо қилиш ҳуқуқини берадиган рухсат гувоҳномаларини олиш учун ҳужжатларни кўриб чиқиш бўйича комиссия

                           
         

          

Берилган аризага мувофиқ барча ҳужжатларни уларнинг алкоголли маҳсулотларни сотиш учун амалдаги талабларга мувофиқлигини кўриб чиқади ҳамда Комиссия аъзоларининг якдиллик билан келишувига кўра алкоголли маҳсулотлар билан чакана савдо қилиш ҳуқуқига рухсат бериш ёки рухсат беришни рад этиш тўғрисида қарор қабул қилади (ҳужжатларни кўриб чиқиш муддати талабгор томонидан ариза берган санадан 10 иш куни)

       

         
                   
                   
                   
                   
           

Ариза олинган кундан бошлаб 10 иш кунидан ортиқ бўлмаган муддатда

II босқич

     
     
     
           
           
                   
                   
                       
                                           
       

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги алкоголли  маҳсулотлар билан чакана савдо қилиш ҳуқуқини берадиган рухсат гувоҳномасини бериш бўйича махсус комиссия

                           
                                   
         

        

Махсус комиссия талабгорнинг тақдим этган ҳужжатларини ҳамда туманлар (шаҳарлар) ҳокимликлари ҳузуридаги алкоголли маҳсулотлар билан чакана савдо қилиш ҳуқуқини берадиган рухсат гувоҳномаларини олиш учун ҳужжатларни кўриб чиқиш бўйича комиссия хулосасини кўриб чиқади. Махсус комиссия аъзоларининг якдиллик билан келишувига кўра талабгорга алкоголли маҳсулотлар билан чакана савдо қилиш ҳуқуқини берадиган рухсат гувоҳномаси берилади

          

         
                   
                   
                   
                   
                   
           

Комиссия хулосаси берилгандан кейин бир кун муддатда

III босқич

     
     
     
           
           
                   
                   
                   
                             

 

Низомга

4-ИЛОВА

 

ЎЗБЕКИСТОН РЕСПУБЛИКАСИ

ГЕРБИ

 

ЎЗБЕКИСТОН РЕСПУБЛИКАСИ

 

_________________________________________________________________________

(Қорақалпоғистон Республикаси, вилоятлар ва Тошкент шаҳар ҳокимликлари)

         

Бланка серияси ва тартиб рақами

Алкоголли маҳсулотлар билан чакана

савдо қилиш ҳуқуқини берадиган

РУХСАТ ГУВОҲНОМАСИ

 

200___ й. "____" __________ N ______

 

_________________________________________________________________га

(юридик шахснинг тўлиқ номи)

 

Почта манзили ____________________________________________________

СТИР ____________________________________________________________

ИФТУК коди ______________________________________________________

НКМ _______________________ ДСИда _________________ тартиб рақами

билан рўйхатдан ўтказилган.

Алкоголли маҳсулотлар билан чакана савдо қилишнинг белгиланган

талабларига жавоб берадиган _____________________________ манзилида

жойлашган турғун савдо шохобчаси орқали алкоголли маҳсулотлар

билан чакана савдо қилиш ҳуқуқи берилди.

 

200__ йил "___" ___________ гача берилган.

Иш вақти соат "____" дан "____" гача

Объектнинг эгаси __________________________________________________

(юридик шахснинг тўлиқ номи)

 

Объектдан фойдаланувчи ___________________________________________

(чакана савдо қилиш ҳуқуқи учун маҳаллий йиғим тўлайдиган юридик шахснинг номи)

 

Алоҳида шартлар __________________________________________________

 

Комиссия раиси                                               Имзо

_____________                          М.Ў.

 

Изоҳ: Рухсат гувоҳномаси ҳар бир савдо шохобчасига алоҳида берилади. Нотариус томонидан тасдиқланмаган рухсат гувоҳномаси нусхаси ҳақиқий ҳисобланмайди.

 

"Ўзбекистон Республикаси қонун ҳужжатлари тўплами", 2007 йил, 12-сон, 107-модда.

2015-2018 © Тойлоқ туман хокимлиги. Сайт САКТРМ томонидан ишлаб чиқилди