Kuz-qish mavsumiga tayyorgarlik masalalari muhokama etildi

    Kuzning so‘nggi oyi boshlandi.  Hademay, qish eshik qoqadi. Shuning uchun ham ijtimoiy soha ob’yektlarini kuz - qish mavsumiga tayyorlash o‘ta muhim vazifa.
   Bugun Toyloq tuman hokimligida ijtimoiy soha rahbarlari ishtirokida o‘tkazilgan yig‘ilishda shu masala tanqidiy muhokama qilindi. 
   Unda tuman hokimi B.Bobonazarov hamda tuman prokurori A. Saypiddinovlar ijtimoiy soha ob’yektlarida kuz-qish mavsumiga tayyorgarlik ishlari haqida so‘z yuritib, ayrim ob’yektlarda kuzatilgan holatlarni tanqid qildi.   
   Yig‘ilishda, Prezident Shavkat Mirziyoyev Qashqadaryo viloyatiga tashrifi davomida ijtimoiy soha ob’yektlarini ko‘zdan kechirgani haqidagi videorolik namoyish etildi va bundan xulosa chiqarib, ishni to‘g‘ri tashkil qilish borasida fikr-mulohazalar yuritildi. 
Qolaversa, “Yashil makon” dasturi doirasida daraxt ko‘chatlarini ekish, sug‘orish tizimi hamda ularni parvarishlash mexanizmini yaratish zarurligi ta’kidlandi.