Махсус имкониятлар
Тойлоқ туманида “9-декабрь - Халқаро коррупцияга қарши курашиш куни” муносабати билан “Аксилкоррупция ҳафталиги” доирасида “Коррупцияга қарши биргаликда курашамиз! ” мавзусида иншолар танловининг туман босқичи ўтказилди. Ўзбекистон Республикаси Коррупцияга қарши курашиш агентлиги ташаббуси билан ташкил этилган танловда тумандаги 61 та умумтаълим мактабларининг 8-11-синф ҳамда 1 - 2-сон касб-ҳунар мактабларининг ўқувчилари иштирок этишди.
Ўқувчи-ёшларнинг коррупцияга қарши ҳуқуқий онг ва маданиятини шакллантириш, ёшларнинг мазкур иллатга қарши курашишга кенг жалб қилиш мақсадида ўтказилган танловда туман ҳокимининг ўринбосари Ж.Ҳақбердиев, туман Кенгаши котибияти мудири Б.Хамраев, туман прокуратураси ходими Ж.Авазхонов, туман ХТБ ҳамда Ёшлар ишлари агентлиги туман бўлими ходимлари ва танлов ҳайъати аъзолари иштирок этишди.
Туман ҳокимлиги ахборот хизмати.
