Бўлажак тадбиркорга кўмак

  Тойлоқ туманидаги Хўжақишлоқ маҳалласида яшовчи  “Аёллар дафтари”да рўйхатга олинган  Манзура Тожиева ижтимоий кўмакка муҳтожлиги сабабли тадбиркорлик фаолиятини йўлга қўйишда қийналаётганини, оёққа туриб олиши учун ёрдам беришларини сўраб,  мурожаат қилган эди. Бугун  Манзура Тожиевага катта ҳажмдаги замонавий пишириқ печи топширилди. Туман ҳокими Б. Бобоназаров пишириқ печини ўз эгасига топширар экан, тадбиркорлик фаолиятини бошлаб, нафақат оиласига даромад келтириш, балки фаолиятини кенгайтириб, келажакда кўплаб иш ўринларини яратишда муваффақият тилади.
 -Юртимизда хотин-қизларга қанчалар эътибор қаратилаётганига бугун ўзим гувоҳи бўлиб турибман. Мен ҳам Президентимизнинг хотин-қизларга қаратаётган ғамхўрликларидан жуда мамнунман. Албатта, бу имкониятдан унумли фойдаланиб, оиламга, жамиятга наф келтиришга ҳаракат қиламан, - дея ўз миннатдорчилигини билдирди М. Тожиева.

Туман ҳокимлиги ахборот хизмати.