Махсус имкониятлар
Бугунги кунда аҳолининг, хусусан хотин-қизларнинг бандлигини таъминлаш, уларни тадбиркорликка йўналтириш давлат сиёсатининг устувор йўналишларидан бирига айланди.
Зеро, турмуш фаровонлиги ҳам аҳоли бандлиги билан бевосита боғлиқ. Хотин-қизларнинг жамиятдаги мавқеини ошириш бўйича олиб борилаётган ишлар кўлами эса тобора кенгайиб бормоқда.
Бугун Тойлоқ туманидаги 1-сектор штабида ташкил этилган тадбир ҳам айнан шу мақсадга қаратилди. Унда иштирок этган Тойлоқ туман ҳокими Баҳодир Бобоназаров ҳамда секторлар раҳбарлари 1-сектор ҳудудидаги маҳаллаларда яшовчи “Аёллар дафтари”га киритилган 60 нафар хотин-қизларга ўз эҳтиёжларини қоплаб, тадбиркорлик фаолиятини бошлашлари учун замонавий тикувчилик машинкалари топширилди.
Маълумот ўрнида, туманда “Аёллар дафтари”нинг 3-босқичида ижтимоий ҳимояга муҳтож, ишсиз хотин-қизларга 398 та тикувчилик машинкаси ҳамда 121 та пишириқ печлари ўз эгаларига топширилди.
Туман ҳокимлиги ахборот хизмати.
