"Ташаббусли бюджет"да ғолиб бўлган объектлар таъмирланмоқда

 

  Маълумки, жорий йилнинг февраль-март ойида “Ташаббусли бюджет”  портали орқали фуқаролар бюджет маблағларини шакллантириш жараёнида иштирок этишган эди. Овоз бериш жараёнида Тойлоқ тумани бўйича 17 та лойиҳа ғолиб деб топилди. Ушбу лойиҳаларнинг овоз бериш жараёнида жами 11952 нафар фуқаролар иштирок этди. Ғолиб бўлган 17 та лойиҳа учун "Фуқаролар ташаббуси жамғармаси" маблағлари ҳисобидан 7502541 минг сўм ажратилган.

   Айни кунларда ғолиб бўлган лойиҳаларга киритилган объектларда таъмирлаш ишлари амалга оширилмоқда. Хусусан, Ўрта қишлоқ МФЙдаги 41-мактабга бориш йўлининг 0,6 км қисми, Таллиота МФЙ А-377 йўлининг Тойлоқ мол бозорига бориш йўли 0,9 км,  Дўстлик маҳалласининг  1,350 км ички йўли,  Ўрой-Элипок МФЙ Чубот қишлоғи ички йўлининг 0,9 км қисмида асфалт ётқизиш ишлари олиб борилмоқда. Таъмирлаш ишлари учун 1870,9 минг сўм маблағ ажратилган.

   Шунингдек, тумандаги 20-сон ДМТТ 570626,0 минг сўмлик, 26-сон ДМТТда 397107,3 минг сўмлик шартномалар имзоланган бўлиб, бугунги кунда қурилиш таъмирлаш ишлари олиб борилмоқда.  

Туман ҳокимлиги ахборот хизмати.