Ta’lim va fan xodimlari kasaba uyushmasi Toyloq tuman bo‘linmasi kengashi va tuman Xalq ta’limi bo‘limining 2021 yil 22-noyabrdagi 6-13 “s” va 128- sonli Qo‘shma qarorlari asosida umumta’lim maktablari o‘quvchilari o‘rtasida "Mening Prezidentim" ijodiy ishlar tanlovining 2-bosqichi bo‘lib o‘tdi. 60 umumta’lim maktabida tashkil etilgan mazkur tanlov jarayonida tuman XTB mudiri X.Hojiqulov hamda tanlov o‘tkazish uchun mas'ul xodimlar ishtirok etishdi.
Tanlovning 2-bosqich yakuniga ko‘ra 1-o‘rinni 20-maktabning 11-sinf o‘quvchisi Diyora Obloberdiyeva, 2-o‘rinni 34-maktab 11-sinf o‘quvchisi Shirinabonu Rahmatova va 3- o‘rinni 29- maktabning 10-sinf o‘quvchisi Amonova Maftunalar egalladilar.
Tanlov g‘oliblari va ularning o‘qituvchilari tashkilotchilar tomonidan faxriy yorliq hamda esdalik sovg‘alar bilan taqdirlandi.