Энг яхши китобхонлар аниқланди

    Китоб мутолааси инсон тафаккурининг ўсишига,  маънавий дунёси бойишига туртки бўлади. Президентимиз Шавкат Мирзиёев ташаббуси билан "Ёш китобхон" кўрик - танловининг ўтказилаётганлиги ёшларимизнинг манавий тарбиясидаги улкан қадамлардан ҳисобланади.    Ана шундай тадбирлардан бири бугун Тойлоқ туманида ўтказилди. 
   Маҳаллалар ўртасида “Энг яхши китобхон”, “Энг яхши китобхон маҳалла”, “Она-бола китобхон”   кўрик-танлови ташкил этилди.
   Танловда Равот маҳалласидан Ўғилой Йўлдошова “Энг яхши китобхон маҳалла”, Навзандак маҳалласидан Мунира Журақулова “Она-бола китобхон”, Навзандак маҳалласида Элмира Журақулова  “Энг яхши китобхон” кўрик- танловларининг туман босқичидан 1-ўринни эгаллаб, вилоят босқичига йўлланмани қўлга киритди.
    Ғолиблар туман ҳоеимлиги ҳамда Республика Маънавият ва маърифат маркази туман бўлинмаси томонидан тақдирланди.

Нигина РАҲМАТОВА,

туман ҳокимлиги ахборот хизмати.