Bugun ekilgan bir dona nihol kun kelib, katta daraxtga aylangach, uning soyasi-yu mevasidan katta-yu kichik birdek bahramand bo‘ladi, olayotgan nafasimiz musaffoligi ta’minlanadi. 
    Toyloq tumanida joriy yilning kuz mavsumida 407 ming dona turli xildagi manzarali va mevali daraxt ko‘chatlarini ekish rejalashtirilgan bo‘lib, ayni kunga qadar hududda 51, 9 ming dona mevali va manzarali daraxt ko‘chatlari ekildi va bu boradagi ishlar jadallik bilan olib borilmoqda. 

   Ayni kunlarda umumta’lim maktablari o‘quvchilari 1-chorakni yakunlab, ta’tilda dam olishmoqda. O‘quvchilar ta’tilni maroqli va mazmunli o‘tkazishlari uchun turli loyihalar asosida tadbirlar amalga oshirilmoqda. Ana shunday loyihalar dasturiga ko‘ra Toyloq tumanida o‘quvchilar uchun Samarqand shahri bo‘ylab sayohat tashkil etildi. Sayohat davomida o‘g‘il-qizlar viloyatimizning tarixiy obidalari va diqqatga sazovor joylarini tomosha qilishdi.