Туманимиз аҳолиси зич жойлашган. Шу боис хонадонлардаги томорқа ер майдонларининг бир қаричи ҳам бўш турмайди. Еримиз сувли ва унумдор. Шундай бўлсада миришкорлар турли усулларни қўллаб, кўпроқ даромад олиш пайидан бўладилар. Бироқ шундай оилалар ҳам борки, бунинг акси. Уларнинг ҳовлисига кирсангиз, бўш ва қаровсиз ётган томорқани кўриб, таъбингиз хира тортади.

   Юртимизда деҳқону фермерларнинг қадри, ҳурмат-эътибори кундан-кунга ошаяпти. Уларга ҳукуматимиз томонидан қулай шарт-шароитлар, имкониятлар яратиб бериляпти. Фермерларимиз ҳам бунга жавобан ўз меҳнатлари билан муносиб жавоб қайтаришмоқда.

   Бугун дунёда, қолаверса, юртимизда кечаётган пандемия ва карантин даврида аҳолининг қишлоқ хўжалик маҳсулотларига бўлган талаб ҳар йилгидан ортиши ҳеч кимга сир эмас. Шу боисдан мамлакатимизда озиқ-овқат хавфсизлигини таъминлаш, қишлоқ хўжалиги маҳсулотларини ҳар йилгидан 2-3 баробар кўпроқ етиштириш, аҳоли томорқаларидан унумли фойдаланиш борасидаги ишларга алоҳида эътибор қаратилмоқда.