Bugun yurtimizda yoshlar bilan ishlashning yangicha tiziminjoriy etilib, ular bilan manzilli ishlar olib borilmoqda.  E’tiborlisi Prezidentimiz tashabbusi bilan 14 yoshdan 30 yoshgacha bo‘lgan yoshlarning ijtimoiy ahvoli, qobiliyati va qiziqishlari o‘rganilib, ular 3 toifaga ajratildi. Hozirda ular bilan aniq mezonlar asosida ish olib borilmoqda.

   Tumandagi “Suyun bobo” to‘yxonasida 3-sektor hududidagi mahallalarda istiqomat qiluvchi boquvchisini yo‘qotgan, ijtimoiy himoyaga muhtoj, kam ta’minlangan oilalarning 15 nafar farzandlari uchun sunnat to‘yi dasturxoni yozildi.  3-sektor rahbari hamda saxovatpesha tadbirkorlar tomonidan o‘tkazilgan to‘yda  bolajonlarga munosib to‘yonalar, qolaversa, maktab formalari va o‘quv qurollari berildi.