Меҳр-оқибатли халқмиз. Бир-бирини оғир дамларда суяшга, қўллаб-қувватлашга ўрганганмиз. Айниқса, кўпга келган “тўй”га томошабин бўлиб туриш бизнинг миллатга хос эмас. Кимнингдир бошига мушкул иш тушса, унга имкон қадар ёрдам қўлини чўзишга одатланганмиз.

   Президентимиз: “Саховат ва кўмак” умумхалқ ҳаракати давлатимиз ва халқимиз бирлигини, унинг беқиёс қудратини ёрқин намоён этиб, янги тарихимиз саҳифаларидан мустаҳкам ўрин олади, деб ишонаман”, дея таъкидлаган эдилар. Дарҳақиқат, бугун Тойлоқ туманида ҳам бу ҳаракатни қизғин қўллаб-қувватлаётган тадбиркорлар сафи тобора кенгайиб бормоқда. 

   Коронавирус инфекцияси тарқалишининг олдини олиш мақсадида кириш ва чиқиш чекланган туманимизда аҳолининг озиқ-овқат ва қишлоқ хўжалиги маҳсулотларига бўлган талабини қондириш бўйича изчил ишлар амалга оширилмоқда.