Tabriklaymiz!
8-mart –Xalqaro xotin-qizlar bayrami arafasida mamlakatimizning tashabbuskor va fidoyi ayollari qatorida tumandoshlarimizning sevimli nashri bo‘lgan «Qo‘shchinor» gazetasi muharriri Moʻtabar YO‘LDOSHEVA Prezidentimizning 2018-yil 2-fevraldagi “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida”gi Farmoni bilan ta’sis etilgan «Moʻtabar ayol» ko‘krak nishoni bilan taqdirlandi. Shuningdek, o‘zining samarali mehnati bilan oilaning shakllanishi va farovonligini mustahkamlanishiga, onalik va bolalik muhofazasiga munosib hissa qo‘shgan Birlik mahallasi otinoyisi Ma’suda SALOMOVA ham «Moʻtabar ayol» ko‘krak nishoniga sazovor bo‘ldi.
****
Toyloq tuman hokimligi hamda «Qo‘shchinor» gazetasi tahririyati mehnat jamoalari Har ikkala mukofot sohibalarini muborakbod qilib, ularning kelgusidagi faoliyatida ulkan zafarlar tilaydi.