So‘nggi yillarda mamlakatimizda oilaviy tadbirkorlik, hunarmandchilik, kasanachilik va boshqa tadbirkorlik faoliyati turlarini keng ommalashtirish, har bir oilaning barqaror daromad manbaiga ega bo‘lishi uchun shart-sharoitlar yaratish va ishsizlikka barham berishga qaratilgan keng ko‘lamli islohotlar amalga oshirilib kelinmoqda. Bu borada Toyloq tumanida qanday ishlar amlaga oshirilayotgani bilan tanishish maqsadida press-tur o‘tkazildi. 

   Press-tur davomida OAV vakillariga Toyloq tumani hokimi vazifasini vaqtincha bajaruvchi Jamshed Xo‘jamurodov harohlik qildi va tumanda oilaviy tadbirkorlikni rivojlantirish borasida amalga oshirilgan ishlar haqida ma’lumot berdi. 
  -Bugungi kunda tumanda oilaviy tadbirkorlar soni 175 tani tashkil etadi, -deydi J.Xo‘jamurodov. -O‘zbekiston Respublikasi Prezidentining 2023-yil 31- yanvardagi “Oilaviy tadbirkorlikni rivojlantirish dasturlari doirasida aholining biznes tashabbuslarini qo‘llab-quvvatlashni yangi bosqichga olib chiqishga doir qo‘shimcha chora-tadbirlar to‘g‘risida”gi  qaroriga asosan 2024-yilda jami 16,5 mlrd. so‘mlik kredit ajratilishi belgilangan bo‘lib, bugungi kunda ushbu ajratilgan imtiyozli kredit resurslari hisobidan joriy yilning 6 oy davomida 8,8 mlrd. so‘mlik kreditlar 736 nafar aholiga ajratildi.
  Jumladan:
- aholi xonadonlari va dehqon xo‘jaliklari uchun ajratilgan yer maydonlari uchun issiqxonalar tashkil qilish yo‘nalishida 22 ta xonadonga 585,7 mln.so‘m;
- hunarmandchilik yo‘nalishi bo‘yicha 3 ta xonadonga 50,3 mln.so‘m;
- meva-sabzavot va bog‘dorchilik yo‘nalishida 279 ta xonadonga 
1 637,3 mln.so‘m;
- Chorvachilik yo‘nalishida 119 ta xonadonga 2 048,6 mln.so‘m;
- xizmat ko‘rsatish yo‘nalishi bo‘yicha 103 ta xonadonga 1 467,6 mlrd.so‘m;
- parrandachilik bo‘yicha 3 ta xonadonga 68,0 mln.so‘m;
- boshqa yo‘nalishlar bo‘yicha 207 ta xonadonga 2 942,5 mln.so‘m miqdorida imtiyozli kredit mablag‘lari hokim yordamchilarining tavsiyalari asosida ajratib berildi.

   Press-tur ishtirokchilari Bog‘izog‘on mahallasida joylashgan “Malika-Mohinur” oilaviy korxonasi hamda “Muhammadjon-Shoxruzbek fayz” MCHJ oilaviy korxonalari faoliyati bilan yaqindan tanishishdi.