Hurmatli shifokorlar, tibbiyot sohasining fidoyilari!

    Avvalo, o‘zining bilimi, iste’dod va mahorati, ko‘z nuri va butun borlig‘ini insonlar salomatligini saqlashdek zahmatli va olijanob ishga bag‘ishlagan Siz azizlarni kasb bayramingiz - "Tibbiyot xodimlari kuni"  bilan chin dildan, samimiy muborakbod etaman!
    Xalqimiz sizlarni dunyodagi eng ulug‘ kasb egalari, muqaddas qasamyodiga sodiq, o‘z ishiga fidoyi insonlar deb biladi va mashaqqatli mehnatingizni yuksak qadrlaydi.
   Shifokor kasbi sharafli, mehnati esa ulug‘dir! Siz kabi jonkuyar shifokorlar mehnati ila insonlarning hayoti asraladi, salomatligi mustaheamlanadi.
     Darhaqiqat, siz  Gippokrat qasamiga sodiq qolgan holda hamda buyuk alloma bobomiz Ibn Sinoning ta’limiga asoslanib, tibbiyotimizni jahon andozalariga mos tarzda  rivojlantirish yo‘lida jonbozlik ko‘rsatmoqdasiz. Davlatimiz va hukumatimizning sohaga ko‘rsatayotgan cheksiz g‘amxo‘rligi  sizga o‘zgacha ruh baxsh etayotganligini yaxshi bilamiz.
      
     Qadrli do‘stlar!

     Mamlakatimizda barcha sohalarda bo‘lgani kabi tibbiyot sohasiga ham e'tibor qaratilmoqda.
      Birgina tumanimiz misolida buni yaqqol ko‘rish mumkin. Tuman markaziy shifoxonasi, uning joylardagi shaxobchalari, markaziy poliklinika, tez tibbiy yordam xizmati va boshqalar yangi, zamonaviy binolar, texnik jihozlar hamda avtomashinalar bilan ta’minlanayotganligi tibbiy xizmatning sifati va samaradorligini oshirishga xizmat qilmoqda. Muhimi,siz  salomatlik posbonlarining kasb mahorati, bemorlar bilan muloqot madaniyati sezilarli darajada oshgani yaqqol kuzatilmoqda.    

       Hurmatli shifokorlar!

   Bugungi quvonchli kunda barchangizga mustahkam sog‘liq, oilaviy xotirjamlik, aholi salomatligini mustahkamlash, sog‘lom turmush tarzini ommalashtirish yo‘lidagi mashaqqatli ishingizga zafarlar tilayman.
    Kasb bayramingiz qutlug‘ bo‘lsin, azizlar!