Insoniyat oldidagi dolzarb vazifalardan biri — atrof-muhitni muhofaza qilish, tabiatga oqilona munosabatda bo‘lish, flora va fauna olamini asrab-avaylash, global ekologik inqirozga yo‘l qo‘ymaslik hisoblanadi. Shu boisdan, atrof-muhit muhofazasiga qaratilgan vazifalarni bajarishda davlat tashkilotlari,jamoat birlashmalari, aholi vakillari, qolaversa, tadbirkorlar ham faol ishtirok etishmoqda.

   Bugun mamlakatimizda, jumladan tumanimizda “O‘zbekiston kasaba uyushmalari kuni”  bayrami keng  nishonlanmoqda.  Shu munosabat bilan Davlat muassasalari  va  jamoat   xizmati   xodimlari kasaba uyushmasi  Toyloq tuman kengashi tomonidan tadbir tashkil etildi.  Uyushmaga qarashli boshlang‘ich tashkilotlar raislari hamda faollar qatnashgan tadbirda uyushma tuman kengashi raisi N. Jumaboyev so‘zga chiqib, yig‘ilganlarni bayram bilan muborakbod qildi. Tadbir so‘ngida  uyushmaning faol a’zolariga sovg‘alar topshirildi.

    Yurtimiz bo‘ylab start olgan “Yashil makon” umummilliy loyihasining kuzgi daraxt ekish mavsumi Toyloq tumanida keng quloch yoydi.  Bugun erta tongdan tumanda "Tabiat uchun birlashaylik!" shiori ostida hashar tashkil etildi.
  Tuman sektorlari rahbarlari boshchiligida o‘tkazilgan hasharda mahalla fuqarolar yig‘inlari faollari,  maktablar,  korxona va tashkilotlar xodimlari, yoshlar, keng jamoat vakillari ishtirok etishdi.