Bugun yoshlarga bo‘lgan e’tibor bo‘lakcha. Ayniqsa, yosh avlod o‘rtasida sog‘lom turmush tarzini targ‘ib qilish, yoshlar ongini yot g‘oyalar ta’siridan asrash, axborot xurujlariga qarshi mafkuraviy immunitetni shakllantirish borasidagi chora-tadbirlar amaliyotga tadbiq etilmoqda. 

   Joriy yilning 15-16 may kunlari Toshkent shahrida “Vatan tayanchi” bolalar-o‘smirlar harbiy vatanparvarlik harakati otryadi a’zolari o‘rtasida Xalqaro harbiy sport musobaqasining respublika bosqichi bo‘lib o‘tdi. 
    Mazkur nufuzli musobaqada ishtirok etgan Toyloq tumanidagi 43-umumta’lim maktabining 10-sinf o‘quvchisi Ozodbek Abdurazzoqov faxrli 2-o‘rinni qo‘lga kiritdi.

   Gʻalla rizq-ro‘zimiz.  Uni nest-nobud qilmay yig‘ib olish soha mutaxassislarining bugungi sa’y-harakatiga bog‘liq. Buni to‘liq anglagan Toyloq tuman mutasaddilari mavsumga puxta tayyorgarlik ko‘rishmoqda. Boshoqli don o‘rim-yig‘imi ishlarida qatnashadigan kombaynlarni mavsumga hozirlash,  don qabul qilish punktlarida yetarli sharoit yaratish,  yong‘in xavfsizligini ta’minlash kabi ishlar tizimli asosda, izchillik bilan olib borilmoqda.