Toyloq tuman Axborot kutubxona markazida «Kitobxon bobo, kitobxon buvi, kitobxon nabira» nomli  ma’naviy-ma’rifiy tadbir bo‘lib o‘tdi.
     "Keksalar haftaligi" doirasida  tashkil etilgan tadbirda jumabozorlik Ravshan bobo Sattorov, Madaniyat mahallasidan Bahrom bobo Oripov, hamda  Bog‘ichinor MFYdan Abdulla Abdullayevlar nabiralari bilan qatnashib, oilaviy kitobxonlik borasidagi tajribalaridan so‘zlab berdilar.

   So‘zga chiqqanlar – Nuroniy  jamg‘armasi tuman bo‘limi raisi M.To‘rayev, tuman «Qo‘shchinor» gazetasi muharriri M. Yo‘ldosheva, O‘zbekiston XDP tuman kengashi raisi Q. Nizomov, AKM rahbari F. Hafizov, shoir A. Nisoriylar bu kabi tadbirlarning kitob targ‘ibotidagi ahamiyatiga to‘xtaldilar. Faol oilalarga tashkilotchilarning tashakkurnomalari va sovg‘alari topshirildi. Tuman madaniyat bo‘limi san’atkorlarining chiqishlari olqishlar bilan kutib olindi.