Tumandagi “Bog‘izog‘on”, “Olmazor”, “Elipok” agrofirmalariga qarashli fermer xo‘jaliklari bilan yig‘ilish o‘tkazildi.

Tadbirda tuman hokimi Behzod Rahmatullayev, tuman prokurori A. Abdullayev, shuningdek tuman qishloq va suv xo‘jaligi bo‘limi xodimlari ishtirok etdilar.
Tuman hokimi Behzod Rahmatullayev yig‘ilishda fermer xo‘jaliklari rahbarlariga ekin maydonlaridan samarali foydalanish, suv resurslaridan tejamkorlik bilan foydalanish va hosildorlikni oshirish borasida aniq topshiriqlar berdi.
Shuningdek, tuman prokurori A. Abdullayev yig‘ilishda so‘zga chiqib, fermer xo‘jaliklari faoliyatida qonunchilik talablariga rioya etish hamda korrupsiya holatlarining oldini olish bo‘yicha muhim tavsiyalar berdi. U har bir rahbar mas’uliyat bilan ish yuritishi, moliyaviy intizomni mustahkamlashi lozimligini ta’kidladi.