Bugun Toyloq tumanida okrug qo‘shinlari qo‘mondonining kubogi uchun “Yurt posbonlari” harbiy-sport musobaqasining tuman bosqichi o‘tkazildi. Musobaqada tumanning 1-sektor hududidagi 17 ta umumta’lim maktablarining yuqori sinf o‘quvchilaridan tuzilgan jamoalar ishtirok etishdi. 

    Ishtirokchilar musobaqa nizomiga ko‘ra 5 ta shart - mohir mergan, harbiylashgan estafeta, jadidlar bilimdoni, badiiy sahna ko‘rinishi, tez tibbiy yordam ko‘rsatish bo‘yicha mahoratlarini namoyish etishdi. 
Bellashuv natijalariga ko‘ra 1-o‘rinni 50-maktab jamoasi egallab, viloyat bosqichiga yo‘llanma oldi. 2-o‘rin 38-maktabga, 3-o‘rin esa 32-maktab o‘quvchilariga nasib etdi. 
    Gʻolib va sovrindorlar tuman hokimining esdalik sovg‘alari bilan taqdirlandi.