Toyloq tumanida "Eng yosh ma’naviyatchi-2024" Respublika ko‘rik-tanlovining tuman bosqichi bo‘lib o‘tdi. 
Unda 30 yoshgacha bo‘lgan, ma’naviy-ma’rifiy sohada faoliyat yuritayotgan xodimlar ishtirok etishdi. 
    Ko‘rik-tanlov ishtirokchilari belgilangan shartlarga ko‘ra o‘zaro yetakchilik, tashabbuskorlik, ijodkorlik hamda salohiyat qobiliyatlari borasidagi mahoratlarini namoyish etishdi.  

    Tanlovda 1-o‘rinni 47-umumta’lim maktabi direktorining ma’naviy-ma’rifiy ishlar bo‘yicha o‘rinbosari  Sayfulla Abdullayev  egalladi va ko‘rik-tanlovning viloyat bosqichiga yo‘llanmani qo‘lga kiritdi. 2-o‘rin  4-umumiy o‘rta ta’lim maktabi MMIBDO‘ Shohruh Shahobovga, 3-o‘rin esa 6-umumiy o‘rta ta’lim maktabi MMIBDO‘ O‘ktam Hamidovga nasib etdi. 
    Gʻoliblar Respublika M’anaviyat va ma’rifat markazi tuman bo‘linmasi hamda tuman maktabgacha va maktab ta’limi bo‘limining diplom va esdalik sovg‘alari bilan taqdirlandi.