Jumabozorda shu nom bilan o‘tkazilgan ma’naviy-ma’rifiy tadbir hayajonli lahzalarga boy bo‘ldi. 2-8-oktyabr kunlari yurtimizda, shu jumladan, tumanimizda o‘tkazilayotgan «Keksalar haftaligi» tadbirlari rejasiga muvofiq Jumabozor qishlog‘idagi 60- maktabda tuman hokimligi, Nuroniy jamg‘armasi tuman bo‘limi, Jumabozor qishlog‘idagi MFYlar hamkorligida tashkil etilgan «Qo‘sha qarish saodati»  ma’naviy ma’rifiy tadbirida ahil oila bo‘lib umrguzaronlik qilib kelayotgan hamda turli sohalarda fidokorona mehnat qilgan otaxon va onaxonlar olis umr yo‘lidagi yoshlarga ibrat bo‘lgulik qiziqarli voqealardan so‘zlab berdilar.

    Yuzlab qatnashchilarning faolligi ostida kechgan tadbir so‘ngida Nuroniy jamg‘armasi tuman bo‘limi raisi M.To‘rayev yuksak tashkilotchilik uchun minnatdorchilik bildirib, 7 nafar saodatmand oilalarga tashakkunoma va esdalik sovg‘alarini topshirdi. Tadbir tuman madaniyat bo‘limi san’atkorlariing musiqiy dasturi bilan yakunlandi.