Toyloq tuman maktabgacha va maktab ta’limi bo’limi tashabbusi bilan maktab direktorlari uchun "Maktablar boshqaruvining zamonaviy standartlari" mavzusida seminar-trening o‘tkazildi.
    Zamonaviy liderlarni kashf etish, ularning liderlik qobiliyatini rivojlantirish maqsad qilingan mazkur seminarda tuman hokimining o’rinbosari Jahongir Haqberdiyev ishtirok etdi va o‘z so’zida rahbarlik faoliyatini yangicha yondashuvlar asosida olib borish, zamonaviy ta’limga qanday samarali erishish mumkinligi hamda rahbar kadrlarning oʻz huquqiy bilimini oshirib borish haqida so‘z yuritdi.
   Seminarda ishtirokchilar guruhlarga bo‘lingan holda interfaol usullarda o’z bilim-malakalarini oshirishdi.