“Mahoratli o‘qituvchi – millat tayanchi” shiori ostida IV-milliy forumi bo‘lib o‘tdi

      Bugun Toyloq tumani Shopo‘lot madaniyat saroyida  “Mahoratli o‘qituvchi – millat tayanchi” shiori ostida to‘rtinchi “Ustozlar milliy forumi” tantanali ravishda bo‘lib o‘tdi.
      Ushbu an’anaviy tadbir tumanimizdagi fidoyi ustozlar, ta’lim sohasi fidoiylari va ilg‘or pedagoglarni birlashtirdi.
      Tuman hokimi B.Raxmatullayev tadbir ishtirokchilarini bayram bilan tabriklab, ta’lim sifatini oshirish, pedagogik mahoratni rivojlantirish hamda zamonaviy o‘qitish usullarini tatbiq etish masalalarini muhokama qildi. Shuningdek, innovasion loyihalar taqdimoti, ilg‘or tajribalar almashinuvi va muvaffaqiyatli o‘qituvchilarni taqdirlash marosimlari o‘tkazildi.
       Tadbir davomida ustozlarga bo‘lgan chuqur hurmat va e’tibor yana bir bor namoyon bo‘ldi. Forum natijalari o‘laroq, kelgusida ta’lim tizimini yanada takomillashtirish bo‘yicha muhim tavsiyalar qabul qilindi.