KTMPda qo‘shimcha bino qurilmoqda Tumandagi ko‘p tarmoqli markaziy poliklinika uchun qo‘shimcha bino qurish masalasi "Open Budget" dasturiga kiritilib, g‘olib sifatida ma’qullandi. Loyiha qiymati 1,5 milliard so‘mni tashkil etib, u 75 qatnovga mo‘ljallangan qo‘shimcha bino qurishni nazarda tutadi. Ayni vaqtda qurish ishlari yakuniga yetish arafasida. Shu munosabat bilan jarayonlarni ko‘zdan kechirish maqsadida tuman hokimi Behzod Raxmatullayev, tuman prokurori A.Abdullayev hamda mas’ullar qurilish ishlari bilan tanishdi. Bundan tashqari hokim birlashmada davolanayotgan bemorlar holidan xabar oldi.