Ichki ishlar organlari xodimlari kuni munosabati bilan soha fidoyilari e’tirof etildi

Bugun, 25-oktabr - Ichki ishlar organlari xodimlari kuni munosabati bilan tuman hokimligida tantanali tadbir bo‘lib o‘tdi. Tadbirda soha xodimlari bilan bir qatorda nuroniylar, deputatlar hamda jamoatchilik vakillari ham ishtirok etdilar.
🎤Dastlab, tuman hokimi Behzod Raxmatullayev so‘zga chiqib, O‘zbekiston Respublikasi Prezidentining bayram tabrigini yig‘ilganlarga o‘qib eshittirdi. Shuningdek, u ichki ishlar organlari xodimlarining tinchlik va osoyishtalikni ta’minlash yo‘lidagi fidokorona xizmatini yuksak qadrlashini ta’kidladi.
👮‍♂️Tadbir davomida tuman IIB boshlig‘i Eldor Raxmatov ham soha xodimlarini samimiy tabriklab, ularning mehnatini e’tirof etdi. U o‘z nutqida jamoaning har bir a’zosi yurt tinchligi yo‘lida mas’uliyat va fidoyilik bilan xizmat qilayotganini qayd etdi.
🎖 Tadbir so‘ngida tuman hokimligi, tuman prokuraturasi, soliq inspeksiyasi va IIB rahbariyati tomonidan bir guruh xodimlarga tashakkurnomalar hamda qimmatbaho esdalik sovg‘alari topshirildi.
Bundan tashqari, o‘z xizmat faoliyatida alohida faollik ko‘rsatgan uch nafar xodimga yangi unvonlar tantanali ravishda topshirildi.
🇺🇿 Tadbir ishtirokchilari ichki ishlar organlari xodimlariga mustahkam sog‘lik, xizmatlarida omad va yurt tinchligi yo‘lidagi faoliyatlarida yangi zafarlar tiladilar.

✨ Tinchlik — eng buyuk ne’mat. Uni ta’minlayotgan fidoyi xodimlarimiz bilan faxrlanamiz!