Bugun Samarqand shahrida akademik lisey va professional ta’lim muassasalari o‘quvchilari o‘rtasida “Zakovat” intellektual o‘yinining viloyat final bosqichi bo‘lib o‘tdi. 
   Prezident Shavkat Mirziyoyevning 2022-yil 20-yanvardagi “Zakovat” intellektual o‘yinini aholi o‘rtasida ommaviy-ma’rifiy harakatga aylantirish va boshqa intellektual o‘yinlarni rivojlantirishga oid chora-tadbirlar to‘g‘risida”gi PQ-96-sonli qarori ijrosini ta’minlash maqsadida o‘tkazilgan turnirda 74 ta ta’lim muassasalari jamoalari ishtirok etishdi. 
   Quvonarlisi, mazkur bellashuvda  Toyloq tumani 1-son kasb-hunar maktabi bilimdonlari 1-o‘rinni egallab, respublika bosqichiga yo‘llanma olishdi.