Bu haqda bugun Toyloq tuman hokimi Bahodir Bobonazarov ishtirokida o‘tkazilgan matbuot anjumanida aytildi. 

     Ma’lumot uchun, bugungi kunda Toyloq tumanida 61 ta umumta’lim maktablari, 212 ta maktabgacha ta’lim muassasalari, 1 ta barkamol avlod markazi, 1 ta musiqa va san’at maktabi va 1 ta sport maktabi, 1 ta olimpiya va paralimpiya zaxiralariga tayyorlash markazi, 3 ta professional ta’lim muassasalari, 4 ta madaniyat markazi, 1 ta Axborot-kutubxona markazi mavjud. 
    Toyloq tumanida Oqdaryo tumani namunasi asosida ikkita xorijiy til va bitta kasb o‘rgatishni yo‘lga qo‘yish yuzasidan ham tizimli ishlar amalga oshirilmoqda.
      Jumladan, tumandagi 15-maktabda 41-, 44-, 60- va 62-maktablarda xorijiy til (fransuz) va ikkita kasb (sartarosh, kompyuter operatori, tikuvchi, akfa romlarini yasash) o‘rgatish tashkil etilgan.
Mahalliy byudjet mablag‘lari hisobidan jami 237.465 mln sum mablag‘ ajratilib, 10 ta tikuv mashinasi, sartarosh, kompyuter operatori, tikuvchi, akfa romlarini yasash kabi yo‘nalishlarning barchasi uchun jixozlar bilan ta’minlandi. Maktabning 2 ta informatika xonasida 30 ta zamonaviy kompyuter bilan jihozlangan.
Shuningdek, 2024-yil 1-sentyabrdan 2-, 13-, 47- va 58-maktablarga ikkita xorijiy til va kasb o‘rgatilishi yo‘lga qo‘yildi.

    O‘zbekiston Respublikasi Prezidentining 25.12.2023 yildagi PQ-404-sonli qarori asosida  jami 7 ta maktablar rekonstruksiya qilinib, 2190 o‘rinli qo‘shimcha binolar qurilishi yakunlanmoqda. Buning uchun 17,4 mlrd. so‘m mablag‘ yo‘naltirilgan. 
    Xususan, Davlatobod MFYda joylashgan 6-umumta’lim maktabiga 360 o‘rinli, Istiqlol MFYda joylashgan 8-umumta’lim maktabiga 420 o‘rinli, Muborak MFYda joylashgan 14-umumta’lim maktabiga 240 o‘rinli, Bog‘ichinor MFYda joylashgan 22-umumta’lim maktabiga 240 o‘rinli, Sariosiyo MFYda joylashgan 24-umumta’lim maktabiga 300 o‘rinli, O‘zbekiston MFYda joylashgan 34-umumta’lim maktabiga 300 o‘rinli, Qo‘rg‘oncha MFYda joylashgan 51-umumta’lim maktabig uchun 140 o‘rinli jami 2000 o‘quvchi o‘rniga ega o‘quv binolari qurilmoqda.