Ayni kunlarda Toyloq tumanida ijtimoiy soha ob’yektlarini qurish va rekonstruksiya qilish borasidagi ishlar jadallik bilan olib borilmoqda. 
  Xususan, O‘zbekiston Respublikasi  Prezidentining  2023-yil 25-dekabrdagi “2024 — 2026 yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori asosida  tumandagi  6-umumta’lim maktabida 360 o‘rinli qo‘shimcha bino, 8-umumta’lim maktabida 420 o‘rinli qo‘shimcha bino, qolaversa,  2 hamda 4-maktabgacha ta’lim tashkilotlari binolari rekonstruksiya qilinib, barcha shart-sharoitlar yaratilmoqda.    
   Tuman hokimi Bahodir Bobonazarov qurilish ishlari bilan tanishish  maqsadida mazkur ob’yektlarda bo‘ldi. Quruvchilarga ish sifatiga e’tibor berish va belgilangan muddatda ishni yakunlash bo‘icha ko‘rsatmalar berdi.