Toyloq tumani hokimligi tomonidan aholi muammolarini o‘rganish, ularga qonuiy yechim topish maqsadida mahallalarda sayyor qabullar o‘tkazilib kelinmoqda. Ana shunday sayyor qabulning navbatdagisi bugun Olmazor mahallasida bo‘lib o‘tdi.       
    Unda Toyloq tumani hokimi Bahodir Bobonazarov, tuman korxona va tashkilotlar rahbarlari hamda murojaat bilan kelgan fuqarolar ishtirok etishdi.   
    Qabulda fuqarolardan moddiy yordam, uy-joy, elektr energiyasi, ish bilan ta’minlash, kadastr hujjatlari bilan bog‘liq muammolar shuningdek, boshqa oilaviy masalalarga oid  murojaatlar kelib tushdi.    
  Murojaatlarning aksariyatiga joyida yechim topildi, ayrimlariga mutaxassislar tomonidan huquqiy maslahatlar berildi. Muddat talab etadigan murojaatlar bo‘yicha mas’ullar biriktirilib, o‘z vaqtida ijrosini ta’minlash yuzasidan mutasaddi rahbarlar zimmasiga aniq vazifalar yuklandi.