Bugun Toyloq tumanidagi 2-son kasb-hunar maktabi uyingohida yoshlarning bo‘sh vaqtini mazmunli tashkil etish,  ularning qalbida ona Vatanga muhabbat,  yurtga sadoqat tuyg‘ularini yanada mustahkamlash maqsadida   “Yoshlar - milliy armiyamiz nigohida!” shiori ostida harbiy vatanparvarlik festivali bo‘lib o‘tdi. 
    Respublika Ma’naviyat va ma’rifat markazi tuman bo‘linmasi, Markaziy harbiy okrug harbiy qismlari, Mudofaa vazirligi kichik mutaxassislar tayyorlash markazi va tuman Mudofaa ishlari bo‘limi bilan hamkorligida o‘tkazilgan tadbirda Milliy gvardiya harbiy xizmatchilarining jangovor chiqishlari, harbiy qurol-aslaha ko‘rgazmalari namoyish etildi.