51-maktabning isitish tizimi o‘rganildi Ayni kunlarda qish mavsumi kirib kelgani munosabati bilan ta’lim muassasalarida isitish tizimlariga bo‘lgan talab ortmoqda. Shu maqsadda tuman hokimi Behzod Raxmatullayev hamda tegishli soha vakillari ishtirokida 51-umumta’lim maktabining isitish tizimi atroflicha ko‘zdan kechirildi. O‘rganish davomida isitish tizimidagi ayrim kamchiliklar, shuningdek, maktab hududidagi obodonchilikka oid muammolar aniqlanib, ularni bartaraf etish bo‘yicha mas’ullarga tegishli topshiriqlar berildi. Mutasaddilarga qisqa muddatda mavjud kamchiliklarni tuzatish, maktabning dars jarayoni uzluksiz va qulay sharoitda davom etishini ta’minlash vazifasi yuklatildi. Shu bilan birga, ob-havoning keskin sovishi munosabati bilan tuman hokimligi ishchi guruhi tomonidan boshqa ta’lim muassasalarida ham o‘rganish va monitoring ishlari olib borilmoqda.