Ayni kunlarda umumta’lim maktablari o‘quvchilari 1-chorakni yakunlab, ta’tilda dam olishmoqda. O‘quvchilar ta’tilni maroqli va mazmunli o‘tkazishlari uchun turli loyihalar asosida tadbirlar amalga oshirilmoqda. Ana shunday loyihalar dasturiga ko‘ra Toyloq tumanida o‘quvchilar uchun Samarqand shahri bo‘ylab sayohat tashkil etildi. Sayohat davomida o‘g‘il-qizlar viloyatimizning tarixiy obidalari va diqqatga sazovor joylarini tomosha qilishdi.

   Azaldan dehqonchilik yer yuzidagi eng sharafli va mashaqqatli kasblardan biri hisoblanib kelgan. Shu boisdan ham yurtimizda qishloq xo‘jalik sohasi xodimlari doimiy ravishda e’zozlanib, ularning mehnati ulug‘lanadi.
  Prezidentimizning «2022-2026 yillarga mo‘ljallangan Yangi O‘zbekistonning taraqqiyot strategiyasi to‘g‘risida»gi Farmonida mamlakatimizni kelgusi besh yilda rivojlantirishga qaratilgan 100 ta maqsadning bir nechtasi aynan agrar sohani isloh qilishga qaratilganligi bilan ahamiyatlidir.

   Yurtimizda ekologiya va atrof-muhitni muhofaza qilish, “yashil maydonlar”ni kengaytirish ishlariga davlat siyosati darajasida e’tibor qaratilmoqda. Prezidentimizning tegishli Farmoni bilan butun mamlakat miqyosida daraxtzorlarni ko‘paytirishga qaratilgan “Yashil makon” umummilliy loyihasi hayotga tatbiq etildi.
   Xususan, Toyloq tumanida joriy yilning kuzgi mavsumida 407 ming dona turli xildagi manzarali va mevali daraxt ko‘chatlarini ekish rejalashtirilgan bo‘lib, bu boradagi ishlar jadallik bilan olib borilmoqda.