Юртимизда ҳар бир соҳада “Ислоҳотлар инсон қадри учун” деган эзгу ғоя асосида кўплаб дастурлар амалга оширилмоқда.  Фарзанд тарбияси билан машғул оилаларга давлат томонидан бола пули, нафақа, моддий ёрдам каби кўмаклар кўрсатилаётгани ҳам инсон қадрини улуғлаш саналади. Фақат, бу каби ижтимоий ҳимоя воситалари фуқароларнинг ижтимоий ҳолати, меҳнат ва турмуш шароитлари, даромадлари даражасига боғлиқ ҳолда амалга оширилади. Бироқ, бола парвариши учун моддий ёрдам сўраб мурожаат қилувчилар сони кўпайиб бормоқда. 

   Аҳоли муаммоларини тинглаб,  қонуний ҳал этиш мақсадида Тойлоқ туман ҳокимининг сайёр қабулидан ташқари кунлик қабули ўтказиб келинмоқда. Унда фуқароларни қийнаётган турли соҳаларга оид муаммолар тингланиб, уларга ижобий ечим топиш чоралари кўрилмоқда. 
     Бугунги қабулда ҳам фуқаролар турли масалалар юзасидан мурожаат қилишди.   
   Мурожаатларнинг барчаси тегишли тартибда рўйхатга олиниб,  ижросини таъминлаш учун мутасаддиларга бириктирилди.

  Бугун ҳаётимизнинг ҳар жабҳасида ўзгариш, янгиланишлар кузатилмоқда. Ушбу ислоҳотлар замирида халқ манфаати ва фаровонлигини таъминлаш мақсади мужассам. Ана шундай эзгу амаллар самарасида давлат ва халқ ўртасидаги мулоқот янги босқичга кўтарилиб, халқ оғирини енгил қилишга хизмат қиладиган янгича тизим ишлаб чиқилди. Бугун ушбу тизим – мутасаддиларнинг “маҳаллабай” ҳамда “хонадонбай” ишлаши халқ ва давлат идоралари ўртасида мустаҳкам кўприк вазифасини бажармоқда.