^{Тумандаги маҳалла фуқаролар йиғинлари ҳудудидан ички ишлар профилактика инспекторларига 33 та хизмат уйлари, шундан 24 таси давлат бюджети ҳисобидан, 9 таси ҳомийлар ҳисобидан қуриб тўлиқ фойдаланишга топширилди.}

^{Шу билан биргаликда, ушбу профилактика инспекторларига имтиёзли кредит асосида матиз автомашиналари ўз эгаларига топширилди.}

Ўзбекистон Республикаси Президентининг 2017 йил 1 декабрдаги “Ногиронлиги бўлган шахсларни давлат томонида қўллаб-қувватлаш тизимини тубдан такомиллаштириш чора-тадбирлари тўғрисида”ги Фармони ижроси юзасидан туманда меҳнатга лаёқатсиз, ижтимоий ҳимояга муҳтож бўлган 5 нафар фуқароларга намунавий уй-жойлар қуриб фойдаланишга топширилди.

Шунингдек, ушбу фуқароларнинг оилаларига туман ҳокимлиги томонидан мебел ва ошхона жиҳозлари, теливезор ҳамда бошқа турдаги маиший техника воситалари олиб берилди.

Тумандаги Агротадбиркорлик касб-ҳунар коллежида 2017 йилнинг 15 декабрь куни туман ҳокимлиги, туман прокуратураси, туман ИИБ билан ҳамкорликда “Бўш иш ўринлар меҳнат ярмаркаси” ташкил этилди.

Мазкур меҳнат ярмаркисида тумандаги 100 га яқин корхона, ташкилот ва муассасалар ўзларида мавжуд бўлган 170 дан ортиқ бўш (вакант) иш ўрни ҳамда ажартилган квота иш ўринлари билан иштирок этишди.