Kunlar ilib, bahor nafasi sezila boshlagan ayni kunlarda mahallalarda obodonlashtirish ishlari boshlab yuborildi. Xususan, Toyloq tumani 1-sektor hududidagi O‘ray-Elipok mahallasining tuproq ko‘chalariga tosh yotqizishda tuman obodonlashtirish boshqarmasi bosh-qosh bo‘lishdi.
  Qolaversa, Olmazor, Nayman, Navbahor kabi mahallalardagi jami 2 km ichki ko‘chalarga tosh to‘kib tekislandi. Ayni paytda esa Muborak mahallasida 2,2 km tuproq ko‘chalarga tosh to‘kish ishlari bajarilmoqda.

   Qishning adog‘i, ko‘klamning boshi bilan yurtimizga hut kiradi. O‘sha paytda havo ilib, yer uyg‘onadi, tuproq isiydi. Dalalar-u bog‘-rog‘larda ekin ekishga qizg‘in taraddud ko‘riladi. «Hut kirdi – dehqonning paytavasiga qurt kirdi» degan maqol ham shu sababdan aytilgan.