БИЗ ЯХШИ КУНЛАР ОСТОНАСИДАМИЗ

   Пойтахтимизнинг Кўксарой қароргоҳида Ўзбекистон Республикаси мустақиллигининг 29 йиллигига бағишлаб ўтказилган тантанали йиғилишда муҳтарам Президентимиз Шавкат Мирзиёевнинг нутқлари кўплаб юртдошларимиз қатори менинг қалбимда ҳам байрам ва келажакка бўлган ишонч руҳиятини сингдира олди, десам хато қилмайман. Юрагимда шукроналик билан беихтиёр: “Шу кунларга етказганига шукр”, деб баралла айтдим.

Юртбошимиз ўз нутқларида депутатларга алоҳида миннатдорчилик билдирганларида, шу юртнинг корига яраётганимиздан қалбимда фахр туйғуси жўш урди.

   Дарҳақиқат, юртимизда хотинизларга бўлган эътибор, уларнинг ижтимоий-сиёсий ҳаётда фаол иштирок этиши учун яратилаётган шароит эътирофга лойиқ. Айниқса, маърузада Шавкат Миромоновичнинг қишлоқдаги қизларимизнинг олий ўқув юртларида ўқишлари учун алоҳида грантлар ажратилганлиги, келажакда бу грантлар сони янада оширилиши ҳақидаги гаплари барчани, айниқса, қишлоқ аҳлини қувонтиргани шубҳасиз.  Қолаверса, мактабларда "Тарбия" фанларини жорий этиш орқали фарзандларимизни Ал Хоразимий, Ибн Сино каби аждодларимизга муносиб бўлиб етишишлари тўғрисидаги сўзлари мени жуда таъсирлантирди.

   Муқаддас китобларда ҳар қандай қийинчилик ортидан енгиллик келиши айтилган. Мен ишонаман, ҳозирги синовли кунлардан ўтамиз ва келажакни биргаликда қурамиз!

Нилуфар АКРАМОВА,

Халқ депутатлари Тойлоқ туман кенгаши депутати.

 

2015-2018 © Тойлоқ туман хокимлиги. Сайт САКТРМ томонидан ишлаб чиқилди