Махсус имкониятлар
МИБ “@mibuzbot” бот-каналини ишга туширди!
Маълумки, юртимизда карант ҳолати жорий этилган. Бу пайтда фуқароларимизнинг аксарияти уйда бўлишлари сабабли энергия ресурсларига бўлган эҳтиёж янада ортади, тўловларнинг ўз вақтида амалга оширилмаслиги қарздорликларнинг кўпайишига сабаб бўлади.
Фуқаролар карантин қоидаларига риоя этишлари, уйдан чиқмасдан фойдаланилган коммунал хизматлар ва қаттиқ маиший чиқиндилар учун тўловларни амалга оширишлари мумкин. “Telegram” тармоғи орқали @mib uzbot бот каналига кириб - старт тугмасини босинг ва мобиль телефон рақамингизни уланг.
Кейин коммунал хизмат тури (вилоят, туман ёки шаҳар)ни танлайсиз ҳамда коммунал хизмат тури бўйича шахсий-ҳисоб рақам киритилади, ушбу маълумотлар киритилгандан сўнг, ушбу бот абонентнинг ҳисоб-китоб маълумотларини кўрсатади.
Шундан сўнг, ҳисоблагич фотосуратини юбориш, тўловларни кузатиб бориш ва қарздорликни тўлаш имкониятига эга бўласиз.
Оддийгина айтганда, карантинли вазият сабаб, Сиз масофадан туриб, ҳисоблагич суратини юборасиз ва кўрсатгич “МIB inspektori” андроид электрон тизимига келиб, абонент ҳисобига киритиб борилади. Тўлов тугмаси орқали - электрон тўлов тизимлари билан ўз вақтида ҳисоб-китобларни амалга ошириб борасиз !
Тўловни амалга оширишда, бот орқали электрон тўлов тизимларига кириб - истеъмолчининг пластик карточка рақами, унинг муддати, унга боғланган телефон рақами ва тўлов суммаси киритилгандан сўнг, “SMS” орқали келган ҳимоя кодини тасдиқлаш кифоя.
Шу заҳоти, Сизга тўлов амалга оширилганлиги маълум қилинади.
Ҳа, айтганча бундай қулайликлар Мажбурий ижро бюросининг расмий “mib.uz” сайтида ҳам яратилган.
Унутманг, амалга оширган тўловларингиз эса, Сизнинг энергия ресурсларидан тўлақонли фойдаланишингиз ҳамда атроф-муҳит муҳофазаси учун хизмат қилади !
