460 нафар фуқароларнинг бандлигини таъминлаш учун 1 млрд. 444 млн. сўм маблағ йўналтирилди.

    Туманда 2022 йилнинг 1 июнь ҳолатида “Темир дафтар”да 748 та оилаларнинг 3208 нафар аъзолари қолган.

   Жорий йилнинг ўтган даври мобайнида “Темир дафтар”да рўйхатда турган оилаларнинг 460 нафар меҳнатга лаёқатли аъзоларини бандлигини таъминлаш учун 1 млрд. 444 млн. сўм маблағ йўналтирилди. Жумладан, 374 млн. сўмлик 43 дона мотокултиватор, 34 млн. сўмлик 26 дона темирни пайвандлаш ускунаси, 144 млн. сўмлик 80 дона тикув машинкалари, 3,6 млн. сўмлик 6 дона пишириқ печлари, 16 млн. сўмлик 9 дона карчер ускунаси, 29 млн. сўмлик 36 дона мотопила, 366 млн. сўмлик 65 дона инкубаторлар ажратиб берилди. Шу билан бирга, 182 млн. сўмга 170 та оилаларга 30 бошдан жами 5480 бош тухум йўналишидаги товуқлар етказиб берилди. 3 та намунали маҳалларга Ворсин, Сочак ва Таллиота маҳаллаларидаги 27 та оилаларга 231,4 млн. сўмлик чорва моллари (қорамол, қўй, эчки, парранда ва бошқа)  етказиб берилди.

   Бундан ташқари, “Темир дафтар”да рўйхатда турган 122 та  оилаларга 20 сотихдан жами 24,4 гектар ер майдонлари 10 йиллик ижара шартномаси орқали ажратиб берилди.

   “Темир дафтар”да турган даволаниш ва жарроҳлик амалиётига мўҳтож 34 нафар фуқароларга 186,2 млн. сўмлик моддий ёрдамлар кўрсатилди.     

   Ўзбекистон Республикаси Президентининг 2022 йил 25 майдаги ПҚ-258-сонли “Аҳолининг ижтимоий ҳимояга муҳтож қатламларини манзилли қўллаб-қувватлашга оид қўшимча чора-тадбирлар тўғрисида”ги қарорига асосан 1-босқичда 2022 йилда “Темир дафтар” рўйхатида бўлган ҳамда бир марталик моддий ёрдам олмаган 358 та оилаларнинг 1489 нафар аъзоларига (ҳар бир оила аъзосига 20 кг) жами 134,1 млн. сўмлик 29,8 тонна ун тарқатилди.

   2-босқичда ижтимоий дафтарлар, реестр рўйхатида турмаган ҳамда бир марталик моддий ёрдам олмаган ижтимоий аҳволи оғир бўлган 80 та оилаларнинг 427 нафар аъзолари “Темир дафтар”га рўйхатга киритилиб (ҳар бир оила аъзосига 20 кг) жами 38,3 млн. сўмлик 8,5 тонна ун тарқатилди.

   Юқоридагиларни инобатга олиб, бугунги кунда доимий даромад манбайи билан таъминланган ҳамда 2-босқичда ун тарқатилган жами 328 та оилаларни (1-сектор 103 та оила, 2-сектор 114 та оила, 3-сектор 39 та оила, 4-сектор 72 та оила) “Темир дафтар” рўйхатидан чиқариш таклифи берилмоқда. 

   Ушбу оилалардаги 1524 нафар фуқаролардан меҳнатга лаёқатли 248 нафар аъзолари, шундан 11 нафари иш билан таъминланди, 7 нафари тадбиркорлик йўналишида, 119 нафари ўзини-ўзи банд қилиш орқали, 111 нафари бошқа йўналишлар бўйича бандлиги таъминланди.

    Бугунги кунда “Темир дафтар”да қоладиган 500 та оилаларда 2111 нафар оила азоларинининг 689 нафари меҳнатга лаёқатли ишсиз азоларини фақатгина озиқ-овқат маҳсулотлари билан таъминлаш эмас, балки уларнинг меҳнатга лаёқатли ишсиз аъзоларини ишга жойлаштириш устида сектор раҳбарлари, ҳоким ёрдамчилари ҳамда тумандаги корхона ва ташкилотлар билан бирга тумандаги корхона ва ташкилотларда мавжуд бўлган бўш иш ўринларига, ташаббускор корхоналарга ишга жойлаштириш ҳамда касб-ҳунарга ўқитиш орқали бандлигини таъминлаш устида ишлар олиб борилди.

Жамшид Хўжамуродов,

туман ҳокимининг биринчи ўринбосари.

2015-2018 © Тойлоқ туман хокимлиги. Сайт САКТРМ томонидан ишлаб чиқилди