Депутатлар фаоллиги ошмоқда

   

   Кенгаш депутатлари томонидан ижро органларининг мансабдор шахсларига ўз сайлов округларида учрашувлар давомида аниқланган муаммолар юзасидан 69 та депутатлик сўровлари юборилган бўлиб, шундан 61 тасига ўз вақтида, 8 тасига кечикиб жавоб берилган.

   Бу ҳақда бугун Тойлоқ туман ҳокимлигида Халқ депутатлари Тойлоқ туман кенгаши котибияти мудири Бобур Ҳамроев иштирокида ўтказилган матбуот анжуманида айтилди.

  Туман Кенгаши котибяти ташкил этилган кунга қадар жами 58 марта сессия ўтказилган, ушбу сессияларда 319 та масала кўриб чиқилган. Шундан ижро органлари раҳбарларининг 135 та ҳисобот, 44 та ахборотлари эшитилди. Кенгашда ижро органлари раҳбарларининг фаолиятига танқидий баҳо бериш, ўз вазифасини бажаришда сусткашликларга йўл қўйган раҳбарларга нисбатан интизомий чоралар кўрилиб келинмоқда.

    Депутатлар ўзлари сайланган округлари сайловчилари билан жами 430 га яқин  учрашувлар ўтказилган бўлиб, шундан жами  аниқланган муаммолар сони 652 тани, улардан ҳал қилингани 555 тани ташкил этади, қолганларига тушунтиришлар берилган.

   Юридик ва жисмоний шахслариниг мурожаатлари бўйича жами 186 та мурожаат келиб тушган, булардан ҳал этилганлари 90 тани, тушунтириш берилгани 96 тани ташкил этади. Туман Кенгаши депутатлари орасида депутатлик ваколатини муддатдан олдин тўхтатиш ҳолатлари йўқ, депутатлик дахлсизлигидан маҳрум этиш бўйича прокурор томонидан тақдимномалар киритилмаган.  

      Шуни алоҳида таъкидлаш мумкинки, ўтказилаётган сессияларда депутатларнинг фаоллигининг ошиши, бунда сессияга қадар ҳисобот ва ахборотлар билан танишиб, доимий комиссияларда муҳокама қилинаётганлиги, депутатлар ўзларининг таклифлари ва депутатлик назоратлари орқали ўз сайлов округлари ҳамда туманни ижтимоий-иқтисодий ривожлантиришда муҳим ўрин тутмоқда. Айниқса, маҳаллий бюджет сарфланиши, “Темир дафтар”, “Аёллар дафтари”, ва “Ёшлар дафтар”ларини юритилиши ва ажратиладиган маблағларни мақсадли сарфланишида ўзларининг фаолликлари билан иштирок этмоқдалар.

   Матбуот анжуманида шу каби маълумотлар берилиб, оммавий ахборот воситалари ходимлари ҳамда жамоатчилик вакилларининг саволларига батафсил жавоб қайтарилди.

Туман ҳокимлиги ахборот хизмати.