Махсус имкониятлар
Ўзбекистон Республикаси Президентининг 2020 йил 28 декабрда қабул қилинган «Ўзбекистон Республикасининг 2021 — 2023 йилларга мўлжалланган Инвестиция дастурини амалга ошириш чора-тадбирлари тўғрисида»ги ПҚ-4937-сонли қарорига (https://lex.uz/docs/5189872) кўра, Дарғом каналининг Тойлоқ туманидан ўтувчи қисмида 4 та кичик ГЭС қурилади.
Дарғом каналида 2022 йилгача амалга ошириладиган бу лойиҳаларга 71,5 миллион доллар сарфланади ва уларни молиялаштириш учун Хитойнинг “Эксимбанк”и ва Россиянинг “Внешэкономбанк” хорижий банклари ҳамкор-кредитор сифатида ишга жалб қилинмоқда.
Хусусан, “Шовдор” кичик ГЭСи 7,2 МВт қувватга эга бўлади. Ундан кўра ҳажми каттароқ - 7,4 МВт бўлган “ПК135+50” кичик ГЭСи қурилиши лойиҳаси ҳам айнан Дарғом каналида бунёд этилади. Шунингдек, кейинги лойиҳадаги сув иншооти электр станциялари - “Боғишамол-2” кичик ГЭСи 6,45 МВтгача, “ПК 102+00” кичик ГЭСи эса 6,4 МВтгача қувватга эга бўлади.
«Булунғур Феникс Строй» масъулияти чекланган жамияти негизида ҳам мини ГЭС қуриш режалаштирилган. Лойиҳа Испаниянинг «Nikami Enterprise» корхонаси билан ҳамкорликда амалга оширилади.
Умуман, Инвестиция дастури (https://lex.uz/docs/5189872) асосида кейинги йилларда Самарқанд вилоятида электр энергияси ишлаб чиқаришни кенгайтириш бўйича яна бир қатор йирик лойиҳалар амалга оширилади.
