Специальные возможности
Бугун туман Халқ қабулхонасида фуқаролар учун навбатдаги сайёр қабул ўтказилди. Унда туман ҳокимининг биринчи ўринбосари Ж. Хўжамуродов, Халқ қабулхонаси туман бўлими мудири Қ. Исмоилов, туман адлия бўлими бошлиғи А. Ғафоров ҳамда туман ташкилот, корхона, муассасалар раҳбарлари ва мурожаат билан келган фуқаролар иштирок этишди. Мурожаатларнинг аксарияти моддий ёрдам, уй-жой, бандлик, кредит олиш, алимент ундириш билан боғлиқ масалалар юзасидан бўлди.
Қабул давомида фуқаролардан ўттиздан ортиқ мурожаатлар келиб тушди. Хусусан, боласи учун ёшга доир нафақа пули ва моддий ёрдам олишни, шунингдек, ноқонуний қурилган уй-жой учун ҳужжат сўраб келган фуқароларга ҳуқуқий тушунча берилган бўлса, бандлик, тиббий ёрдам ва кредит олиш масаласидаги мурожаатлар ижро учун мутасаддиларга йўналтирилди.
Туман ҳокимлиги ахборот хизмати.
